Pr 18:24 - Chuj San Mateo Bible

²⁴ Tato te ay camigo, ay smay tzon̈ ixtaxel yuj eb'. Palta ay pax eb' camigo yelxo te vach' d'a yichan̈ eb' co c'ab' coc.

Chuj San Sebastian Bible

²⁴ 'Ay eb' caw niwn eb' swach'c'ojl yalni, ax yic tzjaw yailal 'a yib'n̈ eb', toc 'ay mach tzcoln eb'; palta 'ay pax eb' 'ay swach'c'ojol, yel xo wach' eb' 'a yib'n̈ eb' to yu'tac sb'a yet' eb'.

Pr 18:24 ပူးပေါင်းရင်းမြစ်များ

A Ch'an̈ Schab'l Libro Samuel 1:26

Ach vuc'tac aj Jonatán, tzin te cus uuj. Man̈xa yalb'anil jantac a vach'il ix ac' d'ayin. A val b'aj in a xajanejnac, ec'to d'a yichan̈ b'aj tzon̈ xajanej eb' ix ix.

A Ch'an̈ Schab'l Libro Samuel 15:21

Ix tac'vi vin̈aj Itai chi': —Mamin rey, svac' in ti' d'a yichan̈ Dios yed' d'a ichan̈, yaln̈ej b'aj ol ach c'ochoc, taxon̈ej tzon̈ chami, mato vach' tzon̈ aji, ol in b'atn̈ej ed'oc a in a checab' in tic, xchi vin̈.

A Ch'an̈ Schab'l Libro Samuel 16:17

Ix sc'anb'an vin̈aj Absalón chi': —¿Tom icha chi' tz'aj a naan d'a spatic vin̈ amigo chi'? ¿Tas yuj maj ach b'at yed' vin̈? xchi vin̈ d'a vin̈.

A Ch'an̈ Schab'l Libro Samuel 21:7

Maj ac'jilaj vin̈aj Mefi-boset d'a yol sc'ab' eb', aton vin̈ yuninal vin̈aj Jonatán yixchiquin vin̈aj Saúl, yujto yac'nac sti' vin̈aj David d'a vin̈aj Jonatán chi' d'a yichan̈ Jehová to man̈ ol miljoccham yin̈tilal vin̈.

Pr 17:17

A eb' vach' yac'antaxon qued'oc, ayn̈ejoch eb' qued'oc. Ayic ay co yaelal, icha val co c'ab' coc syutej sb'a eb' d'ayon̈.

Pr 27:10

Malaj b'aq'uin̈ tze chaquel eb' eyamigo yed' pax eb' yamigo eb' e mam. Man̈ ex b'at eyal e cusc'olal d'a junoc e c'ab' eyoc. Te vach' tato tzeyal e cusc'olal chi' d'a eb' eyamigo cajan d'a e lac'anil, d'a yichan̈ eb' e c'ab' eyoc cajan d'a najat.

Pr 27:9

A yuj perfume yed' tas scaq'uec' d'a co jolom, yuj chi' stzalajb'i co c'ool, icha chi' tz'aj co tzalaj yuj razón syac' eb' camigo d'ayon̈ yuj on̈ xajanan eb'.

A Ch'an̈ B'ab'el Libro Samuel 18:1

Ayic ix lajvi slolon vin̈aj David yed' vin̈aj Saúl chi', axo vin̈aj Jonatán yuninal vin̈aj Saúl chi', te vach' ix yil vin̈aj David chi' vin̈ icha val syutej syailan sb'a.

A Ch'an̈ B'ab'el Libro Samuel 18:3

Ix yac' sti' vin̈aj Jonatán d'a vin̈aj David chi' to vach' ol yil-laj sb'a eb' vin̈ d'a masanil tiempo, yujto te xajan vin̈aj David chi' yuj vin̈.