Pr 18:18 - Chuj San Mateo Bible

¹⁸ A suerte tz'alani slajvi junoc oval, yuj chi' spojchaj snan̈al eb' van yac'an oval chi'.

Chuj San Sebastian Bible

¹⁸ A yic tzch'oxn 'el Dios snab'en 'a suerteal, tztup 'ejm owal, tzpojn snan̈l eb' 'ay yowl cha.

Pr 18:18 ပူးပေါင်းရင်းမြစ်များ

1 Cr 24:31

An̈ejtona' eb' vin̈ chi', d'a sorteoal ix aj yoch eb' vin̈ d'a stzolal smunlaji, icha ix sc'ulej eb' vin̈ sc'ab'yoc eb' vin̈, aton eb' vin̈ yin̈tilal vin̈aj Aarón. Aton d'a yichan̈ vin̈aj rey David yed' vin̈aj Sadoc yed' vin̈aj Ahimelec yed' eb' vin̈ yajal yaj d'a scal eb' yin̈tilal Leví yed' eb' vin̈ sacerdote, ata' ix och sorteo chi'. Lajann̈ej ix aj eb' vin̈ yajal yaj d'a scal yin̈tilal vin̈ b'ab'el vinac yed' d'a scal yin̈tilal vin̈ tzac'anto.

1 Cr 6:63

An̈eja' pax d'a eb' vin̈ yin̈tilal vin̈aj Merari, ix ac'chaj 12 chon̈ab' icha jay macan̈ yaj eb'. A juntzan̈ chon̈ab' chi', a d'a yol smacb'en eb' yin̈tilal Rubén ay, eb' yic Gad yed' eb' yic Zabulón.

Nehemías 11:1

A eb' yajal d'a co chon̈ab' tic ix cajnaj eb' d'a Jerusalén. Axo juntzan̈xo eb', lajun̈e' macan̈ ix laj aj eb', ix och suerte d'a yib'an̈ eb' mach junoc macan̈ eb' ol cajnaj d'a Jerusalén tic, aton d'a jun chon̈ab' to yic Dios yaji. Axo b'alun̈ macan̈xo eb' sb'atxican eb' d'a schon̈ab' junjun.

Pr 16:33

Vach'chom scac'och suerte d'a yib'an̈ junoc tas, palta an̈ej Jehová snaani tastac tz'ajelc'och smasanil.

Pr 18:17

A eb' b'ab'el syal sb'a, ichato scol sb'a eb' snaani, palta ayic sc'och eb' yajc'ool eb' chi' jun, scheclajeli tas yaj yoval eb' chi'.

Pr 18:19

Tato sco tzuntzejcot yoval junoc co c'ab' coc, más secojtac co satanel junoc chon̈ab' ay smuroal yed' spuertail vach' yajoch yijchul d'a yichan̈ yic tzon̈ ochxi vach'il yed'oc, yujto tec'an yaj spensar.

A Ch'an̈ B'ab'el Libro Samuel 14:41

Ix yalan vin̈ icha tic: —Mamin Jehová ach co Diosal, ¿tas yuj max ach tac'vi d'a vin̈ a checab' tic? A ticnaic ayic ol och sorteo, tato a q'uen Urim tz'elta, syalelc'ochi to a in, ma a vin̈ vuninal aj Jonatán ix och smul, palta tato a q'uen Tumim tz'elta, syalelc'ochi to a eb' a chon̈ab' Israel tic ix och smul, xchi vin̈. Axo ix aji, a d'a yib'an̈ vin̈aj Jonatán yed' d'a vin̈aj Saúl ix emi, axo eb' chon̈ab', ix colchajcanel eb'.

A Ch'an̈ B'ab'el Libro Samuel 14:42

Ix yalanxi vin̈aj Saúl chi' icha tic: —Axo ticnaic jun, axon̈ej d'a vib'an̈ yed' vin̈ vuninal tic tz'och sorteo, xchi vin̈. Axo ix aj jun, a d'a yib'an̈ vin̈aj Jonatán chi' ix emi.