Pr 17:9 - Chuj San Mateo Bible

⁹ A eb' stechaj yac'an nivanc'olal b'aj tz'ixtaji, snib'ej eb' to xajan tz'ilji eb' yuj anima. Axo pax eb' an̈eja' yalub'tan̈an junoc lolonel jun, tz'el eb' svach'c'ool eb' d'a stz'ey.

Chuj San Sebastian Bible

⁹ A mach tztechj ya'n niwnc'ojlal yuj tas tz'aj yixtxi, tznib'j to wach' yaj yet' yit 'anma'il, ax mach to tzyalb'tan̈j jun tzo'n̈ cha, tz'el eb' swach'c'ojl 'a stz'ey.

Pr 17:9 ပူးပေါင်းရင်းမြစ်များ

Salmos 32:1

Te vach' yic eb' tz'ac'chaj lajvoc smul, succhaj sat schucal eb'.

Pr 10:12

Tato ay co chichonc'olal, a oval sq'ue vaan cuuj. Palta tato sco xajanej eb' quetanimail, scac'n̈ej nivanc'olal eb'.

Pr 16:28

A eb' chuc spensar, sq'uen̈ej vaan oval yuj eb'. A yuj eb' alum pecal, tz'och ajc'olal d'a scal eb' vach' taxon yac'ani.

Pr 17:10

Nivan tas sb'o yuj junoc b'elan̈ cachnab'il d'a eb' ay spensar, d'a yichan̈ pax to jantac smac'ji eb' malaj spensar.

1 Co 13:4

Ol vala' tas scutej co b'a, tato yel sco xajanej co b'a: Te nivan scutej co c'ool d'a eb' quetanimail, sco ch'oxan pax co vach'c'olal d'a eb'. Max quiloch co c'ool d'a junocxo. Malaj b'aj squic'chaan̈ co b'a, malaj pax b'aj scac' ac'umtaquil.

Santiago 5:20

Nachajocab'el jun tic eyuuj. A junoc mach tz'ecan sna'a yic syactejcan schucal, van scolanelta d'a yol sc'ab' chamel. Yuj chi' ol lajvoc jantac smul chi'.

A Sb'ab'el Carta San Pedro 4:8

A junxo sval tic te nivan yelc'ochi: Co xajanejec co b'a d'a smasanil co c'ool, tato icha chi', vach'chom ay eb' te nivan smul d'ayon̈, scac' nivanc'olal smul eb' chi'.