Pr 15:23 - Chuj San Mateo Bible

²³ Te vach' tato vach' scutej co pacan lolonel. Tato scac' junoc razón ayic ay ilc'olal, yelxo val te vach'.

Chuj San Sebastian Bible

²³ Caw wach' tzcab'ec toto wach' tzcutjec qui pacn junc paxti', man̈x jantcoc swach'il, toto tzchaj sb'a qui paxtinec.

Pr 15:23 ပူးပေါင်းရင်းမြစ်များ

Job 6:25

Malaj junoc mach spaticanel junoc pensar to vach', palta a ex tic, man̈xa stzolal tas tzeyac'och d'a vib'an̈.

Pr 12:14

Junjun mach scha spac yuj tastac syala', schaan pax spac yuj tastac sc'ulej.

Pr 12:25

A ilc'olal syac' cus co c'ool. Axo pax junoc vach' lolonel jun, syac' co tzalajc'olal.

Pr 15:22

Tato max co c'anb'ej razón, masanil tas sco na' max elc'ochlaj. Tato sco cha cab' razón vach' jun, vach'n̈ej tz'aj yelc'ochi.

Pr 16:13

A eb' yel syala' xajan eb' yuj eb' rey, stzalaj eb' rey chi' yed' eb'.

Pr 16:24

A lolonel vach', lajan icha schi'al noc' yal chab', tzon̈ tzalaj yuuj, syac'an co tec'anil.

Pr 24:26

A eb' vach' syutej spacan junoc lolonel, lajan eb' icha junoc eb' stz'ub'an sti' junoc anima.

Ec 3:1

Masanil tas tzuji d'a yolyib'an̈q'uinal tic ayn̈ej stiempoal, ayn̈ej pax yorail.

Is 50:4

A jun schecab' Jehová chi' tz'alan icha tic: A Jehová Vajalil, a ix ac'an jelanb'oc in loloni yic vach' svac' stec'anil eb' c'unb'elal yaji. Junjun q'uin̈ib'alil syac'an in nib'ej yic svab' tas syac' in c'ayb'ej.

Jn 1:37

Ayic ix yab'an jun chi' eb' vin̈ sc'ayb'um vin̈aj Juan chi', ix och tzac'an eb' vin̈ yuj Jesús.

Jn 11:29

Ayic ix yab'an jun chi' ix María chi', ix q'ue jucnaj ix. Ix b'at ix b'aj ayec' Jesús chi',

Ef 4:29

Man̈ eyal juntzan̈ chucal lolonel. An̈ej juntzan̈ lolonel vach' tzeyala', yic sb'o spensar eb' tz'ab'an tas tzeyal chi', axo svach' tec'c'aj eb' chi' eyuuj.