Pr 1:8 - Chuj San Mateo Bible

⁸ Ach vuninal, cha ab' a c'ayb'ub'al svala', man̈ a patiquejel razón syac' ix a nun d'ayach.

Chuj San Sebastian Bible

⁸ Tzyal Salomón 'ixtic: Ach wunnal, maclj wal ab' a cuynb'il tzwac'a, man̈ a patquilc can 'el a cuynb'il tzyac' pax a nun.

Pr 1:8 ပူးပေါင်းရင်းမြစ်များ

Pr 1:10

Tato a eb' chuc sb'eyb'al tzach montanb'ati, man̈ ach b'atoc.

Pr 1:15

Palta ach vuninal, man̈ ach b'at yed' eb'. B'esel a b'a d'a yol sb'e eb'.

Pr 2:1

Ach vuninal, ac'och juntzan̈ in lolonel tic d'a a c'ool, sic'can juntzan̈ in checnab'il tic d'a a pensar.

Pr 23:22

Cham eyab'an tas syal eb' vin̈ e mam, aton eb' vin̈ ix ex ilan pitzvoc. Man̈ e patiquejel eb' ix e nun ayic schichimax eb' ix.

Pr 3:1

Ach vuninal, man̈ ac' sat a c'ool d'a juntzan̈ in c'ayb'ub'al tic. Sic'can in checnab'il tic d'a a pensar,

Pr 30:17

A eb' spatiquejcanel smam yed' eb' max c'anab'ajan snun, smojton val yic'chajq'ueta yol sat eb' yuj noc' joj, axo noc' ostoc schianb'at eb'.

Pr 31:1

A slolonel vin̈aj rey Lemuel, aton b'aj ix c'ayb'aj vin̈ yuj ix snun. Ix yalan vin̈ icha tic: A ix in nun alannac d'ayin icha tic:

Pr 5:13

Maj yal in c'ool ix in cha vab' tas ix yal eb' in c'ayb'umal, octom ix in cha vab' d'a eb'.

Pr 6:20

Ach vuninal, sic'can juntzan̈ in c'ayb'ub'al tic d'a a pensar yed' a c'ayb'ub'al syac' ix a nun.

Pr 7:1

Ach vuninal, cha ab' in lolonel tic. A juntzan̈ in checnab'il svac' tic d'ayach, yovalil tza sic'can d'a a pensar.

Jeremías 35:8

A on̈ tic, van co c'anab'ajan tas yalnaccan vin̈ co mam quicham aj Jonadab chi'. Yuj chi' malaj b'aj scuc' vino tic, ma eb' ix quetb'eyum yed' eb' cuninal max yuc'laj eb'.

Lv 19:3

C'anab'ajejec e mam e nun. Tze c'anab'ajej sleyal juntzan̈ sc'ual ic'oj ip to vic yaji. A in ton Jehová e Diosal in svala'.

Mt 9:2

Ata' ay jun vin̈ sicb'inac eli, ix ic'jib'at vin̈ d'a sat svaynub' yuj juntzan̈ eb' vin̈ vinac d'a Jesús. Axo ix yilan Jesús to ix yac'och eb' d'a sc'ool. Yuj chi' ix yalan d'a vin̈ sicb'inac el chi': —Ach vetanimail, tec'tec' tzutej a b'a. Ix ac'jican lajvoc a mul, xchi d'a vin̈.

Mt 9:22

Yuj chi' ix meltzajb'at q'uelan Jesús d'a ix, ix yalan d'a ix: —Ach ix, tec'tec' tzutej a b'a. Tzach b'oxican vuuj, yujto in ac'och d'a a c'ool, xchi d'a ix. D'a jun rato chi' ix b'oxican ix.

2 Ti 1:5

Vojtac to tzac'val och Cajal Jesús d'a a c'ool, icha yutejnac sb'a ix a nun chichim ix Loida yed' ix a nun ix Eunice. Vojtac to icha yutejnac sb'a eb' ix chi', icha pax chi' tzutej a b'a.

Rt 3:6

Yuj chi' ix b'at ix b'aj smunlaj vin̈aj Booz chi', ix sc'anab'ajej ix icha ix aj yalan ix yalib' chi'.

A Ch'an̈ B'ab'el Libro Samuel 2:25

Tato ay junoc mach tz'och smul d'a junoc yetanimail, tzato yal scolvaj Dios yed'oc. Palta tato ay junoc mach tz'och smul d'a Jehová, ¿mach ol colanoc? xchi vin̈aj Elí chi'. Malaj jab'oc yelc'och tas ix yal vin̈ smam eb' vin̈ chi' d'ay, yujto toxo ix sna' Jehová to ol cham eb' vin̈.