Mt 9:4 - Chuj San Mateo Bible

⁴ Axo Jesús yojtacxo tas sna eb' vin̈, yuj chi' ix yal d'a eb' vin̈: —¿Tas yuj tze na juntzan̈ malaj svach'il tic?

Chuj San Sebastian Bible

⁴ Ax Jesús yojc tas wan snan ewinac, yuj cha, xyaln 'a ewin 'ixtic: —¿Tas yuj wan e nan jun tzo'n̈ maysch'olnil tic?

Mt 9:4 ပူးပေါင်းရင်းမြစ်များ

Salmos 139:2

Ojtac ayic tzin em c'ojan yed' pax yic tzin q'ue vaan. Ayocto tzojtacanel tas tzin na'a.

Salmos 44:21

ix am ila', yujto malaj junoc tas c'ub'eltac man̈ ojtacoc.

Ez 38:10

A in Jehová in sval icha tic: Te chuclaj tas ol a na' a c'ulej d'a jun tiempoal chi'.

Mt 12:25

Axo Jesús, yojtacxo tas van snaan eb' vin̈ chi', yuj chi' ix yalan d'a eb' vin̈: —A junoc nación spoj sb'a d'a yol yico', sjuvieli. An̈ejtona' junoc chon̈ab', ma junoc pat spoj sb'a d'a yol yico', sjuvipaxeli.

Mr 12:15

Palta yojtacxo Jesús to ton̈ej stz'ac sc'anb'ej eb' icha chi'. Yuj chi' ix yalan d'a eb': —¿Tas yuj tzin eyac' proval? B'at iq'ueccot junoc tumin chi' vila', xchi d'a eb'.

Mr 2:8

Axo Jesús yojtacxo tas sna eb' vin̈. Yuj chi' ix yalan d'a eb' vin̈: —¿Tas yuj van e naan juntzan̈ chi'?

Lc 11:17

Palta yojtacxo Jesús tas van snaan eb', yuj chi' ix yalan d'a eb': —Q'uinaloc ay junoc nación spoj sb'a eb' yajal d'ay, syac'an oval eb'. Tato icha chi', tz'ixtaxel snación eb' chi'. Q'uinaloc ay junoc patil eb' anima spoj sb'a yuj oval. Tato icha chi' sjuviel jun patil eb' chi'.

Lc 5:22

Palta a Jesús yojtacxo tas van snaan eb' chi', yuj chi' ix yalan d'a eb': —¿Tas yuj tze naub'tan̈ej jun tic?

Lc 6:8

Palta axo Jesús, yojtacxo tas van snaan eb' vin̈, yuj chi' ix yalan d'a vin̈ sicb'inaquel sc'ab' chi': —Q'uean̈ lin̈an d'a co cal tic, xchi d'a vin̈. Ix q'ue lin̈an vin̈ b'ian.

Lc 7:40

Yuj chi' ix yalan Jesús d'a vin̈: —Ach Simón, ay jun tas ol val d'ayach, xchi d'a vin̈. —Al d'ayin ach co C'ayb'umal, xchi vin̈.

Jn 16:19

Axo Jesús, yojtacxo to sgana eb' sc'anb'ej d'ay tas syalelc'och jun ix yal chi', yuj chi' ix yalanxi d'a eb': —Toxo ix val d'ayex: Junxon̈ej rato ol in eyila', slajvi chi', man̈xo ol in eyil-laj. Palta ol ec' junocxo rato, ol in eyilanxi, xin chi d'ayex. ¿Tom yuj juntzan̈ sval tic tze c'anb'an eyab' d'ayex junjun ex?

Jn 16:30

A ticnaic, snachajel cuuj to ojtacn̈ej masanil tasi. Man̈ yovaliloc tzato co c'anb'ej d'ayach ayic tzalan d'ayon̈. Yuj chi' scac'och d'a co c'ool to a d'a Dios cotnac ach, xchi eb' d'ay.

Jn 21:17

Ix yalanxi d'a yoxelal: —Ach Simón yuninal vin̈aj Jonás, ¿tzam in a xajanej? xchi d'a vin̈. Yuj chi' ix te cusq'ue vin̈aj Pedro chi', yujto yoxelalxo sc'anb'an Jesús chi' d'a vin̈ tato xajan yuj vin̈. Yuj chi' ix yalanxi vin̈: —Mamin, ojtacxo smasanil, ojtac to xajan ach vuuj, xchi vin̈ d'ay. —Tato icha chi', icha junoc tan̈vum calnel syac' va noc' scalnel, icha chi' tzutej a c'ayb'an eb' vicxo.

Jn 6:61

Axo Jesús chi', yojtacxo tas jun syal eb' chi', yuj chi' ix yalanxi d'a eb': —¿Tom a jun tic tz'ic'an somchajel e c'ool?

Jn 6:64

Palta ayex max in eyac'och d'a e c'ool, xchi d'a eb'. Icha chi' ix yutej yalan d'a eb', yujto atax d'a yichb'anil yojtactaxoni mach eb' max ac'anoch d'a sc'ool. Yojtac paxi mach jun ol ac'anoch d'a yol sc'ab' chamel.

A Tas Sc'ulejnac Eb' Schecab' Jesús Hechos 5:9

Yuj chi' ix yal vin̈ d'a ix: —¿Tas yuj tze mol lajtiej e b'a yic tzeyac'an proval Yespíritu Dios Cajal? Ina yajec' eb' vin̈ ix xid' mucancan vin̈ etb'eyum d'a ti' pat chi'. Axo ticnaic ol ach yic'paxb'at eb' vin̈ a ach tic, xchi vin̈ d'a ix.

Apoc 2:23

An̈ejtona' ol vac'pax miljoccham eb' yune' ix. Icha chi' ol aj in yojtacanel eb' creyente d'a junjun iglesia to a in tic vojtac masanil tas ay d'a spensar eb' yed' tastac sna eb'. Ol yojtaquejpaxel eb' to a in tic ol vac' spac d'ayex junjun ex ato syala' tas tze c'ulej.