Mt 8:30 - Chuj San Mateo Bible

³⁰ Axo d'a slac'anil jun lugar chi', tzijtum juntzan̈ noc' chitam van sva'i.

Chuj San Sebastian Bible

³⁰ Ax 'a sla'nil jun lugar cha, til wal jun tzo'n̈ no chitm wan swa'i.

Mt 8:30 ပူးပေါင်းရင်းမြစ်များ

Is 66:3

Ay ex tzex tzalaj e c'ulan juntzan̈ tastac yajb'entac d'a vichan̈. Yuj chi' ayic tze milancham noc' vacax silab'il d'ayin, a d'a in sat ichato a junoc anima tze milchamoc. Ayic tze milancham noc' calnel silab'il d'ayin, a d'a in sat ichato a sjaj noc' tz'i' tze ch'umeli. Ayic tzeyac'an sat eyavb'en ofrendail d'ayin, a d'a in sat ichato a schiq'uil noc' chitam tze tob'emi. Ayic tze n̈usan incienso d'ayin, a d'a in sat ichato a d'a comon dios tzeyal vach' lolonel.

Lv 11:7

Yed' pax noc' chitam, vach'chom cha xechan̈ yech noc', palta max sjaxpax svael noc', yuj chi' max yal-laj e chi'an noc'.

Mt 7:6

A slolonel Dios yicn̈ej yaji, lajan icha juntzan̈ ton̈ perla sb'i, te caro stojol. Yuj chi', max yal cac'an d'a eb' malaj yelc'och Dios d'a sat. Yujto a eb' chi', lajan yaj eb' icha juntzan̈ noc' tz'i' scot d'ayon̈, tzon̈ schi'an noc'. Ay pax eb' icha juntzan̈ noc' chitam, ton̈ej slaj steq'uem tas scac' d'ay.

Mt 8:29

Ix q'ue yav eb' vin̈ d'a Jesús: —Ach Yuninal Dios, ¿tas och d'ayon̈? ¿Tom tzach ja ac'och yaelal d'a quib'an̈ yacb'an manto c'och stiempoal? xchi eb' d'ay.

Mt 8:31

Yuj chi' ix tevi eb' enemigo chi' d'a Jesús, ix yalan eb': —Tato tzon̈ a pecheli, a d'a juntzan̈ noc' chitam chi' tzon̈ ac'b'ati, xchi eb' d'ay:

Mr 5:11

Ay juntzan̈ noc' chitam van sva d'a stz'ey jun tzalan chi'.

Lc 8:32

Ay juntzan̈ noc' tzijtumal chitam van sva d'a jun tzalan. Ix tevi eb' enemigo chi' d'a Jesús to tz'ac'jib'at eb' d'a noc'. Ix schaanb'at eb'.

Dt 14:8

Yed' pax noc' chitam, cha xechan̈ yech noc', palta max sjaxlaj yan̈ noc'. A juntzan̈ noc' chi' yovalil tzeyojtaquejeli to man̈ vach'oc noc'. Man̈ e chi noc', man̈ eyam noc' ayic chamnacxo noc'.