Mt 27:5 - Chuj San Mateo Bible

⁵ A ix yab'an jun chi' vin̈, ix syumancan och juntzan̈ tumin chi' vin̈ d'a yol yamaq'uil stemplo Dios. Ix lajvi chi', ix b'at vin̈ sd'un̈b'ejcham sb'a.

Chuj San Sebastian Bible

⁵ Yic xyab'n win jun cha, 'ix sjuln can 'och win q'uen tumn chi 'a yol yatut Dios. Xlajwn̈ej cha, x'at winac, 'ix ya'n 'och jun ch'an̈ 'a sjaj, 'ix st'unn̈q'ue sb'a winac, 'ix chami.

Mt 27:5 ပူးပေါင်းရင်းမြစ်များ

A Ch'an̈ Schab'l Libro Samuel 17:23

Ayic ix yilan vin̈aj Ahitofel chi' to maj ochlaj yopisio tas ix yal vin̈, ix yac'anoch stz'um schej vin̈, ix pax vin̈ d'a spat d'a schon̈ab' b'aj aljinac. Masanil tastac ay d'a vin̈, ix sb'ocan yumal vin̈. Ix lajvi chi' ix sd'un̈b'anq'ue sb'a vin̈, ix cham vin̈. Icha chi' ix aj scham vin̈aj Ahitofel chi', ix mucchaj vin̈ b'aj mucan smam.

A Ch'an̈ B'ab'el Libro Yic Yab'ixal Eb' Rey 16:18

Axo ix yilan vin̈aj Zimri chi' to van yac'ji ganar jun chon̈ab' chi', ix och vin̈ d'a yol scuartel d'a yol spalacio, ix yac'anoch sc'ac'al vin̈. Icha chi' ix aj scham vin̈.

Job 2:9

Palta axo ix yetb'eyum vin̈ ix alan d'ay icha tic: —¿Tom an̈eja' vach'n̈ej tzutej a pensar? Al chuc d'a Dios, tzach cham b'ian, xchi ix.

Job 7:15

Más vach' tzin a b'inchamoc, más vach' tzin cham d'a yichan̈ to pitzan in.

Salmos 55:23

Ach in Diosal, a eb' mac'umcham anima yed' eb' naumq'ue es, tzapan ol aj sq'uinal eb', man̈ ol yil-laj nan̈alb'oc sq'uinal eb'. A ach ton ol ac'b'at eb' b'aj smucchaj eb' chamnac. Palta a in tic, tzach vac'och yipoc in c'ool.

Mt 26:61

Ix yalan eb': —Ix cab' yalani: A in tic, syal in satanel stemplo Dios, axo d'a schab'jial tzin b'oanxiq'uei, xchi, xchi eb'.

Mt 27:6

Axo eb' vin̈ sat sacerdote ix sic'anq'ue q'uen tumin chi', ix yalan eb' vin̈: —Max yal-laj cac'anoch juntzan̈ tumin tic d'a scal q'uen ofrenda, yujto ix manjicham jun vin̈ yuj q'ueen, xchi eb' vin̈.

Lc 1:21

Axo eb' anima van stan̈vancan vin̈ d'a sti' chi', ix te sat sc'ol eb', yujto te junip ix ochcan vin̈ d'a yol templo chi'.

Lc 1:9

Ix laj yac'an suerte eb', ichataxon smodo. Axo d'a yib'an̈ vin̈aj Zacarías chi' ix emi, yuj chi' ix och vin̈ d'a yol stemplo Dios Cajal. Ata' ix sn̈us incienso vin̈.

Jueces 9:54

Elan̈chamel ix yal vin̈ d'a jun vin̈ scuchumal syamc'ab' yic oval: Ic'cot q'uen espada, milinchamoc, malaj in gana ol alchajoc to a junoc ix ix, ix in milani, xchi vin̈. Yuj chi' ix yic'cot q'uen yespada vin̈ chi', ix stecanoch q'uen vin̈ d'a vin̈aj Abimelec chi', ix cham vin̈.