Mt 26:49 - Chuj San Mateo Bible

⁴⁹ Yuj chi', elan̈chamel ix c'och vin̈ d'a Jesús. Ix yalan vin̈ d'ay: —Buenas noches, ach in C'ayb'umal, xchi vin̈ d'ay. Ix lajvi chi', ix stz'ub'anelta sti' vin̈.

Chuj San Sebastian Bible

⁴⁹ Yuj cha, a 'a Jesús ata xc'och win muc'uc, 'ix yaln win 'ixtc 'a 'a: —Buenas noche ach in Cuymal, xchi cob' win 'a 'a. Xlajwn̈ej cha, 'ix stz'ub'n 'elt win sti'.

Mt 26:49 ပူးပေါင်းရင်းမြစ်များ

Gn 27:26

Ix yalan vin̈aj Isaac chi' icha tic: —Nitzcot a b'a d'a in tz'ey ach vuninal, tza tz'ub'anelta in ti', xchi vin̈.

A Ch'an̈ Schab'l Libro Samuel 20:9

Ix syaman xil sti' vin̈aj Amasa chi' vin̈ yed' svach' c'ab' yic stz'ub'anelta sti' vin̈ vin̈, ix sc'anb'an vin̈ d'a vin̈: —¿Vach' am ix ach ajelc'och vuc'tac? xchi vin̈aj Joab chi'.

Pr 27:6

A eb' vach' eyac'an yed'oc, say eb' tas vach' tz'och e vach'iloc vach'chom ya tzeyab'i. Axo eb' tz'och lac'naj d'ayex jun, tzeyil e b'a d'a eb', yujto a eb' chi', ajc'ool yajoch eb' d'ayex.

Mt 23:7

Axo yic slaj ec' eb' d'a calle, stzalaj val eb' ayic slaj yac'anem sb'a eb' anima d'a eb'. Ste q'uechaan̈ eb' ayic tz'alji eb' yuj eb' anima sc'ayb'umaloc.

Mt 23:8

Palta a exxo tic, man̈ e cha aljoc e b'a c'ayb'umal, yujto junn̈ej e c'ayb'umal. A exxo tic, eyuc'tac e b'a, eyanab' e b'a e masanil.

Mt 26:25

Axo vin̈aj Judas, vin̈ ol ac'anoch d'a yol sc'ab' chamel chi', ix alan d'ay: —Ach in C'ayb'umal, ¿tom a in? xchi vin̈. —A ach toni, xchi d'a vin̈.

Mt 26:48

A vin̈aj Judas chi', vin̈ ol ac'anoch Jesús d'a yol sc'ab' eb', toxo ix slajtiej sb'a vin̈ yed' eb'. Ix yalan vin̈ icha tic: —A vin̈ ol in tz'ub'elta sti', aton vin̈ chi' tzeyama', xchi vin̈ d'a eb'.

Mr 15:18

Ix lajvi chi' ix och ijan eb' vin̈ yalan d'ay: —Tzalajan̈ ach sreyal eb' israel, xchi eb' vin̈ d'ay.

Lc 7:45

Maj a tz'ub'laj in ti', yic tzac'an stzatzil in c'ool. Axo jun ix tic, yictax in ja d'a tic, max och van ix stz'ub'anelta voc tic.

Jn 19:3

Ix laj c'och eb' vin̈ d'a stz'ey, ix stz'acan yal eb' vin̈ d'ay: —Tzalajan̈ ach sreyal eb' israel, xchi eb' vin̈ d'ay. Ix tz'itjib'at sat yuj eb' vin̈.

Jn 4:31

Ayic manto c'och eb', ix yalan eb' sc'ayb'um Jesús chi' d'ay: —Ach co C'ayb'umal, va'an̈ jab'oc, xchi eb'.

1 Ts 5:26

Tzeyac'laj stzatzil e c'ool yuj e xajanan e b'a ta'.

A Ch'an̈ B'ab'el Libro Samuel 10:1

Ix lajvi chi', ix yic'ancot jun yed'tal aceite vin̈aj Samuel chi', ix stob'anq'ue aceite chi' vin̈ d'a sjolom vin̈aj Saúl chi', ix stz'ub'anelta sti' vin̈, ix yalan vin̈: —A Jehová tzach sic'anel ticnaic yic tzach och yajalil d'a yib'an̈ schon̈ab'.