Mt 26:25 - Chuj San Mateo Bible

²⁵ Axo vin̈aj Judas, vin̈ ol ac'anoch d'a yol sc'ab' chamel chi', ix alan d'ay: —Ach in C'ayb'umal, ¿tom a in? xchi vin̈. —A ach toni, xchi d'a vin̈.

Chuj San Sebastian Bible

²⁵ Ax win Judas, 'oj 'a'nc 'och Jesús 'a yol sc'ab' chaml cha, 'ix yaln win 'ixtc 'a 'a: —Ach in Cuymal, ¿man̈ inoc am an tic? xchi 'a 'a. —Ach ton tic, xchi 'a winac.

Mt 26:25 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 5:25

Elan̈chamel ix javi vin̈ d'a vin̈aj Eliseo chi', ix sc'anb'an vin̈aj Eliseo chi' d'a vin̈: —Giezi, ¿b'ajtil ix ach xid'eq'ui? xchi vin̈. —Malaj b'aj ix in xid'ec' mamin, xchi vin̈aj Giezi chi'.

Pr 30:20

Ste satb'atpax in c'ool vilan tas syutej sb'a jun ix ix ayxo yetb'eyum, ayic tz'och ix d'a ajmulal. Smulan ix, slajvi chi' sb'icanel sb'a ix, syalan ix: Tocval ay chucal tzin c'ulej, xchi ix.

Mt 23:7

Axo yic slaj ec' eb' d'a calle, stzalaj val eb' ayic slaj yac'anem sb'a eb' anima d'a eb'. Ste q'uechaan̈ eb' ayic tz'alji eb' yuj eb' anima sc'ayb'umaloc.

Mt 23:8

Palta a exxo tic, man̈ e cha aljoc e b'a c'ayb'umal, yujto junn̈ej e c'ayb'umal. A exxo tic, eyuc'tac e b'a, eyanab' e b'a e masanil.

Mt 26:14

Ay jun vin̈ d'a scal eb' vin̈ slajchavan̈il, aton vin̈aj Judas aj Queriot, ix b'at lolon vin̈ yed' eb' vin̈ sat sacerdote.

Mt 26:49

Yuj chi', elan̈chamel ix c'och vin̈ d'a Jesús. Ix yalan vin̈ d'ay: —Buenas noches, ach in C'ayb'umal, xchi vin̈ d'ay. Ix lajvi chi', ix stz'ub'anelta sti' vin̈.

Mt 26:64

—A in ton tic, icha tzal chi'. Svalanpax d'ayex, a in Ac'b'il in cot yuj Dios voch animail tic, ol in eyila', c'ojan in em d'a svach' c'ab' Dios, aton Jun nivan spoder. Ol eyilpax vemul d'a scal asun d'a satchaan̈, xchi Jesús d'a vin̈.

Mt 27:11

Ayic ix c'och Jesús d'a yichan̈ vin̈aj Pilato, vin̈ gobernador, ix sc'anb'an vin̈ d'ay: —¿Tom a ach tic, Sreyal ach eb' israel? xchi vin̈ d'ay. —Yel ton tzala', xchi.

Lc 22:70

Masanil eb' vin̈ ix c'anb'an d'ay: —¿Tom Yuninal ach Dios jun? xchi eb' vin̈ d'ay. —A in ton tic Yuninal in, icha tzeyal chi', xchi d'a eb' vin̈.

Jn 18:37

—¿Tom yel val jun to rey ach? xchi vin̈aj Pilato chi' d'ay. —Yel toni, rey in, ichaton tzal chi'. A in tic, in javi d'a yolyib'an̈q'uinal tic yic tzul valel jun tas te yel. Yuj val chi' in alji. Jantacn̈ej eb' yictaxon jun yel tic, syac'och schiquin eb' d'a tas svala', xchi Jesús chi'.

Jn 4:31

Ayic manto c'och eb', ix yalan eb' sc'ayb'um Jesús chi' d'ay: —Ach co C'ayb'umal, va'an̈ jab'oc, xchi eb'.