Mt 22:42 - Chuj San Mateo Bible

⁴² —¿Tas xe chi yuj Cristo? ¿Mach ay yin̈tilal tze na'a? xchi d'a eb' vin̈. —A Cristo chi', yin̈tilalcan vin̈aj rey David, xchi eb' vin̈ d'ay.

Chuj San Sebastian Bible

⁴² —¿Tas tze na yuj Cristo? ¿Mach 'ay yin̈tl tze na'a? xchi 'a ewinac. —A jun cha, yin̈tl can David, xchi ewin 'a 'a.

Mt 22:42 ပူးပေါင်းရင်းမြစ်များ

Am 9:11

Ix yalan Jehová: A yopisio vin̈aj David ix lajviem icha junoc pat jub'ilemi, palta ay jun c'ual ol in b'oxiq'uei. Ol vac'anpax yopisio vin̈ d'a yin̈tilal, icha d'a peca'.

Mt 1:1

A jun libro tic syalcot yab'ixal Jesucristo yin̈tilal vin̈aj rey David, yin̈tilal pax vin̈aj Abraham. Aton stzolal sb'i eb' smam yicham Jesucristo tic.

Mt 14:33

Axo eb' ayec' d'a yol te', ix em cuman eb' d'a yichan̈ Jesús. Ix yalan eb': —Val yel a ach tic, Yuninal ach Dios, xchi eb' d'ay.

Mt 21:9

Axo eb' b'ab'el yed' eb' tzac'an, ix laj yalanq'ue eb': —Yuj val Dios d'a jun Yin̈tilalcan vin̈aj David. Calec vach' lolonel d'a vin̈ checb'ilcot yuj Dios Cajal. Caq'uec yuj diosal d'a Dios aj satchaan̈, xchi eb'.

Mt 22:43

Ix tac'vi Jesús: —Palta yuj Yespíritu Dios yalnac vin̈aj David chi' to a Cristo, Yajal yaj d'a vin̈, xchi icha tic:

Mt 9:27

Ayic van sb'atxi Jesús d'a yol b'e, ix och tzac'an chavan̈ eb' vin̈ max uji yilan yuuj, ix syamanoch eb' vin̈ yalan icha tic: —Ach yin̈tilal vin̈aj David, ¿tom max oc' a c'ool d'ayon̈? xchi eb' vin̈ d'ay.

Jn 1:49

—Ach in C'ayb'umal, yel Yuninal ach Dios. Co Reyal ach a on̈ israel on̈ tic, xchi vin̈ d'ay.

Jn 20:28

Ix lajvi chi', ix yalan vin̈aj Tomás chi' d'ay: —Ach Vajalil, ach in Diosal, xchi vin̈.

A Scarta San Pablo D'a Eb' Aj Colosas 3:11

Yuj chi', man̈xalaj yelc'ochi tato israel on̈ mato maay. Tato ay on̈ ac'b'il on̈ circuncidar mato maay. Vach'chom eb' ch'oc chon̈ab'il, mato icha juntzan̈ eb' tz'alji caltacte'al anima, vach'chom eb' checab' yaji, ma eb' yic sb'a, malaj yelc'och juntzan̈ tic. An̈ej Cristo ay yelc'ochi, a ayoch d'ayon̈ junjun on̈.