Mt 22:21 - Chuj San Mateo Bible

²¹ —Aton yechel vin̈ yajal d'a Roma yed' sb'i vin̈, xchi eb'. —Yuj chi', a tas yictaxon vin̈ yajal chi', aq'uec d'a vin̈. Palta a tas yictaxon Dios, aq'uec d'ay, xchi d'a eb' vin̈.

Chuj San Sebastian Bible

²¹ —Atn yechl win yajl 'a Roma, yet' sb'i tic, xchi eb'. —A tas yic xon win yajl cha, 'a'c 'a winac. Palta a tas yic xon Dios yaji, 'a'c 'a 'a, xchi 'a eb'.

Mt 22:21 ပူးပေါင်းရင်းမြစ်များ

Pr 24:21

Ex vuninal, ayocab' yelc'och Jehová yed' eb' rey d'a e sat. Man̈ junoc tzeyutej e pensar yed' eb' ayoch ajc'olal d'a eb' rey chi',

Mt 22:20

Ix sc'anb'anxi d'a eb' vin̈: —¿Mach ayoch yechel d'a jun tumin tic? ¿Mach ay yic jun b'i tz'ib'ab'iloch tic? xchi d'a eb'.

Mt 22:37

Ix yalan Jesús d'a vin̈: —Tze xajanej Dios Cajal d'a smasanil e c'ool, d'a smasanil e pixan yed' d'a smasanil e pensar.

Mt 4:10

Palta ix yalan Jesús d'a vin̈: —Ach Satanás, elan̈ d'a in tz'ey. Yujto icha tic syal d'a Slolonel Dios Tz'ib'ab'ilcani: A d'ayin tzeyal e b'a, yujto e Yajal in, e Diosal in. A inn̈ej tzin eyac' servil, xchi Dios, xchi Jesús chi'.

Mr 12:17

—A tas yictaxon vin̈ yajal chi', aq'uec d'a vin̈. Palta a tas yictaxon Dios, a tzeyac' d'ay, xchi d'a eb'. Axo ix yab'an juntzan̈ chi' eb', ix te sat sc'ool eb'.

Lc 20:25

Yuj chi', ix yalan d'a eb' vin̈: —A tas yictaxon vin̈ yajal chi' yaji, aq'uec d'a vin̈. Palta a tas yictaxon Dios yaji, aq'uec d'a Dios chi', xchi d'a eb' vin̈.

Lc 23:2

Ata' ix syamoch eb' yac'anoch juntzan̈ es d'a yib'an̈. Ix laj yalan eb': —Ix quila' to a vin̈ van yac'an somchajel eb' quetchon̈ab'. Syalanpax vin̈ to max yal cac'an q'uen tumin sc'anjiel d'ayon̈ yuj vin̈ yajal d'a Roma. A val vin̈ tz'alanpaxi to Cristo vin̈, syalelc'ochi to rey vin̈, xchi eb' d'a vin̈aj Pilato chi'.

A Tas Sc'ulejnac Eb' Schecab' Jesús Hechos 4:19

Palta axo ix tac'vi vin̈aj Pedro yed' vin̈aj Juan chi' d'a eb' vin̈ icha tic: —Scham val e naani. ¿Tom vach' d'a sat Dios tze na'a, tato a eyic chi' sco c'anab'ajej, axo Dios max co c'anab'ajej tas syala'?

A Tas Sc'ulejnac Eb' Schecab' Jesús Hechos 5:29

Palta ix tac'vi vin̈aj Pedro yed' juntzan̈xo eb' vin̈ schecab' Jesús, ix yalan eb' vin̈: —Yovalil a tas syal Dios, a sco c'anab'ajej. Axo juntzan̈ schecnab'il anima, tato max scha sb'a yed' yic Dios, max co c'anab'ajejlaj.

Ro 13:7

A eb' yajal sc'anan tumin yuj ley, yovalil scac' d'a eb'. Vach'chom ch'an̈ ornato, ch'an̈ co derecho, yovalil sco tup d'a eb' icha syal ley. A eb' yajal chi', tato smoj co xiv d'a eb', xivoc on̈ d'a eb'. Tato smoj ay yelc'och eb', ayocab' yelc'och eb' d'ayon̈.