Mt 21:13 - Chuj San Mateo Bible

¹³ Ix yalan d'a eb': —Icha tic yalnaccan Dios d'a Slolonel Tz'ib'ab'ilcani: A in pat ol aljoc yuuj to yicn̈ej lesal yaji, xchi. Palta a ex tic, icha junoc n̈aq'ueen b'aj sc'ub'ejel sb'a eb' elc'um, icha chi' tzeyutej, xchi d'a eb'.

Chuj San Sebastian Bible

¹³ 'Ix yaln 'ixtc 'a eb': —Yaljnac can Dios 'ixtc 'a Ch'an̈ U'un̈: 'Oj alxoc yuj watut, to yatutal lesl yaji, xchi. Palta ax xo tic, 'icha junc n̈aq'uen 'aj tzc'ub'j 'el sb'a eb' 'elc'um, 'ixta tzeyutej, xchi 'a eb'.

Mt 21:13 ပူးပေါင်းရင်းမြစ်များ

Salmos 93:5

Mamin Jehová, a a checnab'il ayn̈ej ec' d'a juneln̈ej. A a cajnub' nivan yelc'ochi yujto icn̈ej yaj d'a masanil tiempo.

Is 56:7

Ol vic'cot eb' d'a jun in tzalan vicn̈ej yaji. Ol vac'an tzalajb'oc sc'ol eb' d'a spatil b'aj tz'och lesal d'ayin. Ol in cha silab' eb' sn̈ustz'a d'a yib'an̈ valtar, yujto a in templo tic, ol alchaj yuuj to spatil lesal yaj d'a masanil chon̈ab'.

Jeremías 7:11

¿Tom tze na' to a in templo tic lajan yed' q'uen n̈aq'ueen b'aj sc'ub'ej sb'a eb' elc'um? A in val Jehová in svala' to sviln̈ej masanil juntzan̈ tze c'ulej tic.

Mt 2:5

Ix yalan eb' vin̈: —A d'a chon̈ab' Belén, d'a yol yic Judá, ata' ol aljoc vin̈. Yujto ay jun schecab' Dios tz'ib'annaccan icha tic:

Mr 11:17

Ix sc'ayb'an eb', ix yalani: —Yalnaccan Dios icha tic d'a Slolonel Tz'ib'ab'ilcani: A in templo ol alchaj yuuj to yicn̈ej lesal yaj yuj junjun chon̈ab', xchi. Palta a ex tic, icha junoc n̈aq'ueen b'aj sc'ub'ejel sb'a eb' elc'um, icha chi' tzeyutej, xchi Jesús d'a eb'.

Lc 19:45

Ix lajvi chi' ix c'och Jesús d'a yol yamaq'uil stemplo Dios. Ix spechanelta eb' schon̈vaji yed' eb' smanvaji.

Lc 19:46

Ix yalan d'a eb': —Tz'ib'ab'ilcan d'a Slolonel Dios icha tic: A in pat, yicn̈ej lesal yaji, xchi. A exxo tic, icha junoc q'uen n̈aq'ueen b'aj sc'ub'ejel sb'a eb' elc'um, icha chi' tzeyutej, xchi d'a eb'.

Jn 15:25

Palta icha tic ix aj yelc'och juntzan̈ tic, yic tz'elc'och tas tz'ib'yajcan d'a ley b'aj nivanoc syac'och spensar eb'. Aton jun tz'alan icha tic: Nab'an̈ej scomon och eb' ajc'olal d'ayin, xchi d'a Slolonel Dios Tz'ib'ab'ilcani.