Mt 19:24 - Chuj San Mateo Bible

²⁴ Svalan d'ayex: Q'uinaloc ay junoc noc' camello, ¿tom ol yal yec' noc' d'a yixal junoc q'uen acxa? Icha chi' yaj eb' b'eyum. Yelxo val pural ol och eb' d'a yol sc'ab' Dios, xchi d'a eb'.

Chuj San Sebastian Bible

²⁴ Tzwaln pax 'ayex: Q'uinloc 'ay junc no cameyo, ¿tom 'oj stac' yec' no 'a yixl junc 'acxa'? 'Ixta eb' rico, yel xo wal teb'il 'oj 'och eb' 'a yol sc'ab' Dios, xchi 'a eb'.

Mt 19:24 ပူးပေါင်းရင်းမြစ်များ

Jeremías 13:23

A junoc q'uic'al anima, tocval syal sq'uexmaj yilji. A spintotaquil noc' leopardo, tocval syal sq'uexmaji. Ichexta' te c'aynac ex d'a chucal, maxtzac yal sq'uexmaj e b'eyb'al.

Mt 19:25

Ayic ix yab'an jun chi' eb' sc'ayb'um, ix te sat sc'ool eb'. Ix laj yalan eb': —Tato icha chi', ¿mach eb' ol colchaj jun? xchi eb'.

Mt 19:26

Yuj chi', ix och q'uelan Jesús d'a eb', ix yalani: —A jun tic malaj junoc anima syal yuuj. Palta an̈ej Dios syal yuuj. Yujto masanil tas syaln̈ej yuuj, xchi d'a eb'.

Mt 23:24

A ex pax tic, lajan ex icha junoc mach max uji yilani, ch'oxum b'e syutej sb'a d'a junocxo. An̈ej noc' us tzeyic'canel d'a scal tas tzeyuq'uej. Slajvi chi', axo noc' camello tze turb'ati.

Lc 18:25

Q'uinaloc ay junoc noc' camello, ¿tom ol yal yec' noc' d'a yixal junoc q'uen acxa? Icha chi' yaj eb' b'eyum. Tato ol och eb', pural ol och eb' d'a yol sc'ab' Dios, xchi Jesús d'a eb'.

Jn 3:3

Ix yalan Jesús d'a vin̈: —Val yel sval d'ayach, a mach max aljixi d'a schaelal, man̈ ol yal-laj yoch d'a yol sc'ab' Dios, xchi d'a vin̈.

Jn 3:5

Ix yalanxi Jesús chi' d'a vin̈ icha tic: —Val yel sval d'ayach, a mach max alji d'a a a' yed' pax yuj Yespíritu Dios, man̈ ol yal-laj yoch d'a yol sc'ab' Dios.

Jn 5:44

¿Tas ol aj in eyac'anoch d'a e c'ool, yujto an̈ej d'a eyichan̈ junjun ex e gana ay eyelc'ochi, malaj pax e gana ay eyelc'och d'a yichan̈ Dios te yel?