Mt 19:14 - Chuj San Mateo Bible

¹⁴ Palta ix yalan d'a eb' sc'ayb'um chi': —Chaeccot eb' unin d'ayin. Man̈ e cach eb' sja d'ayin. Yujto an̈ej eb' lajan spensar icha eb' unin tic, an̈ej eb' ol yal yoch d'a yol sc'ab' Dios aj satchaan̈, xchi d'a eb'.

Chuj San Sebastian Bible

¹⁴ Yuj cha, xyaln Jesús 'a eb' scuywum chi 'ixtic: —Chajec cot eb' 'unn 'ayin. Man̈ e tench wan eb'. Yujto cojn eb' lajn snab'en 'icha eb' 'unn tic, an̈j eb' 'ay yaln yic yoch 'a yol sc'ab' Dios 'aj satcha'an̈, xchi 'a eb'.

Mt 19:14 ပူးပေါင်းရင်းမြစ်များ

Gn 21:4

Yucub'ixial yalji vin̈ unin chi', ix ac'jioch yechel strato Dios d'a snivanil vin̈ yuj vin̈aj Abraham chi' icha yaj yalan Dios d'a vin̈.

Mt 11:25

A d'a jun tiempoal chi', ix lesalvi Jesús, ix yalan icha tic: —Mamin, Yajal ach d'a satchaan̈ yed' d'a yolyib'an̈q'uinal tic. Yuj val dios d'ayach Mamin, yujto ix a c'ub'ejel juntzan̈ tic d'a eb' jelan, d'a eb' te ay spensar d'a yichan̈ eb' yetanimail, axo d'a eb' icha unin, ata' ix a ch'oxo'.

Mt 18:3

Ix yalan d'a eb': —Val yel sval d'ayex, tato max e q'uex e pensar, tato man̈ lajanoc tz'aj e pensar icha eb' unin, max yal eyoch d'a yol sc'ab' Dios aj satchaan̈.

Mt 19:15

Ichato chi', ix yac'anec' sc'ab' d'a sjolom eb'. Ix lajvi chi', ix el d'a jun lugar chi'.

Mt 5:10

A eb' tz'ab'an syail yujto vach' syutej sb'a eb', te vach' yic eb', yujto ayoch eb' d'a yol sc'ab' Dios aj satchaan̈.

Mt 5:3

—A eb' snachajel yuuj to man̈ vach'oc eb' d'a yichan̈ Dios, te vach' yic eb', yujto ayxo och eb' d'a yol sc'ab' Dios aj satchaan̈.

Mr 10:14

A ix yilan jun chi' Jesús, ix cot yoval d'a eb', ix yalani: —Chaeccot eb' unin d'ayin. Man̈ e cach eb', yujto an̈ej eb' lajan spensar icha eb' unin tic ay yalan yic yoch d'a yol sc'ab' Dios.

Mr 10:15

Val yel sval d'ayex, a eb' max chaan Dios Yajaloc icha syutej schaan junoc unin, man̈ ol och eb' d'a yol sc'ab', xchi Jesús d'a eb'.

1 Co 14:20

Ex vuc'tac ex vanab', man̈ ichoc eb' unin tzeyutej e b'a e naan juntzan̈ tic. Axo e b'eyb'al, ichaocab' yic eb' nenetac unin, icha chi' tzeyutej, yujto max saylaj chucal eb', ichocab' ta tzeyutej e b'a. Tec'an val tzeyutej e pensar, yujto man̈ ex uninoc.

Jueces 13:7

An̈ej to ix yal d'ayin, tob' ol aljoc junoc vune'. Ix yalani to man̈xo ol vuc'laj vino yed' junocxo tas pajb'inac yed' junoc tas to ay yovalil co chi'an d'a yichan̈ ley. Axob' jun unin chi', tob' yic Dios yaji ayic ol aljoc chi', masanto ol chamoc, xchi ix.

A Ch'an̈ B'ab'el Libro Samuel 1:11

Ix yac'an sti' ix d'ay icha tic: Mamin Jehová, Yajal Ach d'a Smasanil, tato smoj val ilanoch in cusc'olal a in a checab' in tic, tato tzin a nacoti, comonoc tz'el val d'a a c'ol ac'an junoc vune' vinac unin. Svac'can d'ayach d'a juneln̈ej, max joxjiel-laj xil sjolom, yic scheclajeli to ic yaji, xchi ix.

A Ch'an̈ B'ab'el Libro Samuel 1:22

Maj b'atlaj ix Ana chi' yed' eb', ix yalan ix d'a vin̈ yetb'eyum chi' icha tic: —Man̈ ol in b'atlaj, masanto ol el vin̈ unin tic d'a yim, ichato chi' ol in b'atoc. Svic'ancanb'at vin̈, svac'ancan vin̈ juneln̈ej d'a Jehová, xchi ix.

A Ch'an̈ B'ab'el Libro Samuel 1:24

Ayic maxtzac chunilaj vin̈ unin chi', yuneto vin̈ ix yic'anb'at vin̈ eb' d'a scajnub' Jehová d'a Silo chi'. Ix yic'anb'at jun noc' quelem vacax eb' oxe' ab'il sq'uinal yed' jun arroba ixim trigo yed' jun tz'uum ayem vino d'a yool.

A Ch'an̈ B'ab'el Libro Samuel 2:18

Axo pax vin̈aj yune' Samuel, ayoch schaleca vin̈ nab'a lino, yic syac'an servil Jehová vin̈.