Mt 19:12 - Chuj San Mateo Bible

¹² Ay juntzan̈ eb', atax d'a yaljub'al aytaxon palta yaj eb'. Yuj chi' max yal yoch yetb'eyum eb'. Ay pax eb' toto sjuvi yuj eb' yetanimail. Yuj chi' max yal yoch yetb'eyum eb'. Ay pax eb' max yac'ochtaxon yetb'eyum, yujto axon̈ej Yajalil eb' ay d'a satchaan̈ sgana syac' servil. A eb' tz'ac'an techaj jun tic, techajocab' yuj eb', xchi Jesús d'a eb'.

Chuj San Sebastian Bible

¹² 'Ay jun tzo'n̈ eb', yictax yalj eb' palta xon yaj eb', yuj cha, matz tac' yoch yistl eb'. 'Ay pax eb' tzat juw yuj eb' 'anma', yuj cha, matz tac' yoch pax yistl eb'. 'Ay pax eb' matz ya'ch xon yistzil, yujto cojxn Cajlil 'ayc' 'a satcha'an̈, an̈j tznib'j eb' tzyac' servil. A eb' tz'a'n techjoc jun tic, techj cab' yuj eb', xchi Jesús 'a eb'.

Mt 19:12 ပူးပေါင်းရင်းမြစ်များ

Is 39:7

An̈ejtona' eb' in̈tilal, ol ic'jocb'at eb' d'a Babilonia chi', ol ic'chajel sn̈olob' sq'ueen eb', ol ochcan eb' yac'umaloc servil vin̈ rey chi' d'a spalacio, xin chi.

Mt 19:11

Yuj chi' ix yalan d'a eb': —Palta man̈ masaniloc anima stechaj yuj jun tzeyal chi'. An̈ej eb' tz'och Dios yed'oc, an̈ej eb' stechaj yuuj.

Mt 19:13

Ix lajvi chi', ay juntzan̈ eb' unin ix yic'b'at eb' anima d'a Jesús, yic syaq'uec' sc'ab' d'a sjolom eb', slesalvi yuj eb'. Palta axo eb' sc'ayb'um ix cachanoch vaan eb'.

1 Co 9:15

A in tic, vach'chom ay valan vic in chaan vic yed' eb', palta mantalaj juneloc tzin c'ana'. Ton̈ej svalb'at juntzan̈ tic d'ayex, man̈ yujoc to tzin c'an in gasto d'ayex tzin tz'ib'anb'at juntzan̈ tic. Tzin na'a, más am vach' tzin chami, d'a yichan̈ to tzin c'an in gasto d'ayex. Yuj jun tic ay valan vic in tzalaj d'a yichan̈ Dios. Malaj mach syal yic'anec' jun in tzalajc'olal tic.

1 Co 9:5

Q'uinaloc ay junoc ix canab' svic'laj in b'a yed'oc ticnaic, ay valan vic vic'an b'eyec' ix ved'oc. Yujto icha chi' syutej sb'a vin̈aj Pedro yed' juntzan̈xo eb' schecab' Cajal Jesús yed' pax eb' yuc'tac Cajal Jesús chi'.

Apoc 14:4

A eb' chi', maj saylaj yix eb'. Malaj b'aj ix och schucal eb'. Tzac'ann̈ej och eb' yuj jun Calnel sb'i chi' d'a b'ajtac tz'eq'ui. Ix colchajel eb' d'a scal eb' anima. Yuj chi', lajan eb' icha junoc b'ab'el sat aval in̈at tz'ac'ji d'a Dios yed' d'a jun Calnel sb'i chi'.