Mt 17:10 - Chuj San Mateo Bible

¹⁰ Ix lajvi chi', ix sc'anb'an eb' sc'ayb'um chi' d'ay: —A eb' c'ayb'um d'a ley Moisés, syal eb': A vin̈aj Elías, yovalil ol b'ab'laj javoc, xchi eb'. ¿Tas am yuj syal eb' icha chi'? xchi eb' d'a Jesús.

Chuj San Sebastian Bible

¹⁰ Xlajw cha, 'ix sc'anb'n eb' scuywum chi 'ixtc 'a 'a: —A ewin cuywjum 'a ley yic Moisés, tzlaj yal ewin 'ixtic: A Elías yowlal 'oj b'ab'l jawoc, xchi ewinac. ¿Tasm yuj tzyal ewin 'ixta'? xchi eb' 'a 'a.

Mt 17:10 ပူးပေါင်းရင်းမြစ်များ

Mt 11:14

Tato e gana tzeyac'och d'a e c'ool, a vin̈aj Juan chi' aton vin̈aj Elías, vin̈ tan̈vab'il sjavi eyuuj.

Mt 16:14

—Ay eb' tz'alani, tob' a ach tic Juan ach, vin̈ ix ac'an bautizar. Ay pax eb' tz'alani tob' Elías ach. Ay pax eb' tz'alani, tob' Jeremías ach, mato junocxo schecab' Dios ec'nac d'a peca', xchi eb' d'ay.

Mt 17:11

Ix yalanxi d'a eb': —Yel ton syal eb', yovalil ol javoc vin̈aj Elías chi', yic sna sb'a eb' anima.

Mr 9:11

Ix lajvi chi', ix sc'anb'an eb' d'a Jesús: —A eb' c'ayb'um d'a ley Moisés, slaj yal eb' icha tic: A vin̈aj Elías, yovalil ol b'ab'laj javoc, xchi eb'. ¿Tas am yuj syal eb' icha chi'? xchi eb' oxvan̈ chi'.

Jn 1:21

Ix sc'anb'an pax eb' d'a vin̈: —¿Mach ach jun? ¿Mato a ach Elías ach? xchi eb'. —Man̈oc in laj, xchi vin̈. —¿Mato a ach tic schecab' ach Dios tan̈vab'il cuuj? xchi eb'. —Maay, xchi vin̈.

Jn 1:25

Ix sc'anb'an pax eb' d'a vin̈: —¿Tas yuj tzac' bautizar eb' anima tato man̈ ach Cristooc, tato man̈ ach Elíasoc, tato man̈oc ach schecab' Dios tan̈vab'il cuuj? xchi eb' d'a vin̈.