Mt 15:16 - Chuj San Mateo Bible

¹⁶ Yuj chi' ix yalan Jesús: —¿Tom max nachajpaxel jun chi' eyuuj?

Chuj San Sebastian Bible

¹⁶ Yuj cha, xyaln Jesús 'ixtic: —¿Tom matz nachj pax 'el jun chi eyu'uj?

Mt 15:16 ပူးပေါင်းရင်းမြစ်များ

Mt 13:51

Ix lajvi chi' ix sc'anb'an Jesús d'a eb' sc'ayb'um: —¿Tzam nachajel juntzan̈ tic smasanil eyuuj? xchi d'a eb'. —Snachajel cuuj Mamin, xchi eb' d'ay.

Mt 15:10

Ix lajvi chi', ix yavtancot eb' anima. Ix yalan d'a eb': —Ab'ec. Nachajocab' eyuuj tas svala':

Mt 15:15

Axo ix yalan vin̈aj Pedro d'a Jesús: —Al d'ayon̈ tas syalelc'och jun ab'ix ix al d'a eb' fariseo chi', xchi vin̈ d'ay.

Mt 15:17

¿Tom man̈ eyojtacoc? A tas scac'och d'a co ti', a d'a yol co c'ool tz'emc'ochi, axo d'a junxo rato, tz'elxicani.

Mt 16:11

Ayic ix valan d'ayex yuj yich span eb' fariseo yed' yich span eb' saduceo, ¿tas yuj max nachajel eyuuj tas syalelc'ochi? A e naani to a ixim pan svala', xchi d'a eb'.

Mt 16:9

¿Tom an̈eja' max nachajel eyuuj? ¿Tom max e nacoti ayic vac'annac oye' pan d'a oye' mil vinac, jayeto xuuc yac'nac sobre e molnacxiq'uei?

Mr 6:52

Vach'chom toxo ix yil jun milagro ix sb'o Jesús eb' yed' ixim pan, palta max nachajel spoder yuj eb', yujto manto yac'och jab'oc spensar eb' d'ay.

Mr 7:18

Ix yalanpax d'a eb': —¿Tom max nachajel eyuuj? ¿Tom man̈ eyojtacoc? A tas tz'och d'a co ti' max on̈ juviel-laj yuuj d'a yichan̈ Dios,

Mr 9:32

Palta max nachajel yuj eb' tas ix yala'. Ix xivpax eb' sc'anb'an d'ay tas syalelc'ochi.

Lc 18:34

Palta maj nachajel-laj jab'oc yuj eb'. Man̈ yojtacoclaj eb' tas van yalan chi', yujto max nachajel-laj yuj eb'.

Lc 24:45

Ichato chi', ix ac'ji jacvoc spensar eb' yuuj, yic snachajel yuj eb' tas tz'ib'ab'ilcan d'a Slolonel Dios.

Lc 9:45

Palta maj nachajel-laj yuj eb' tas ix yal chi', yujto maj ac'jilaj nachajel yuj eb'. Ix xiv eb' sc'anb'an d'ay tas syalelc'och jun ix yal chi'.

A Ch'an̈ Carta D'a Eb' Hebreo 5:12

Ayxo stiempoal eyac'an och d'a e c'ool. Smoj to tzaxo e c'ayb'ej eb' yicxo Dios ticnaic. Palta ina an̈ej juntzan̈ sc'ayb'ub'al Dios man̈ ajaltacoc tze nib'ej tz'alchajxi d'ayex, yujto maxto canlaj eyuuj. Mantalaj e tec'anil, lajan ex icha junoc nene' unin vanto schuni, maxto ujilaj sva'i.