Mt 14:31 - Chuj San Mateo Bible

³¹ Yed'n̈ej chi', ix b'at yamji sc'ab' vin̈ yuj Jesús, ix yalan d'a vin̈: —A ach tic, te jab'n̈ej tzin ac'och d'a a c'ool. ¿Tas yuj tzac' chab'c'olal? xchi d'a vin̈.

Chuj San Sebastian Bible

³¹ Yajn̈j wal cha, xwul 'och yamnjoc Jesús 'a sc'ab', 'ix yaln 'ixtc 'a 'a: —Ach tic jab' wal tza'ch a c'ojl 'a Dios. ¿Tas yuj xa chab'c'ojlej a b'a? xchi 'a 'a.

Mt 14:31 ပူးပေါင်းရင်းမြစ်များ

Gn 22:14

Ix yac'ancan sb'i jun lugar chi' vin̈: A Jehová tz'ac'an tas tz'och cuuj. Yuj chi' syaln̈ej eb' anima icha tic: A d'a lum vitz a Jehová tz'ac'an tas tz'och cuuj, xchi eb'.

Salmos 138:7

Ayic ay in ec' d'a scal tas ay smay, pitzan inn̈ej uuj, tzac'ancot a poder, tzin a colanel d'a yoval eb' ayoch ajc'olal d'ayin.

Is 63:12

Aton jun sch'oxnac spoder d'a vin̈aj Moisés. A Jehová pojjinac snan̈al a' mar d'a yichan̈ eb' schon̈ab', yic sb'inajn̈ej sb'i eb' d'a juneln̈ej.

Mt 14:30

Axo ix yab'an vin̈, te ov ic', ix xivq'ue vin̈. Yuj chi' ijan ix b'at vin̈ d'a yich a', ix el yav vin̈. —Mamin, colin, xchi vin̈.

Mt 14:32

Axo yic ix och eb' d'a yol te' barco chi', ix och vaan jun ic' chi'.

Mt 16:8

Axo Jesús yojtacxo tas van yalan eb'. Yuj chi' ix yalanpax d'a eb': —¿Tas yuj tzeyala' to malaj ixim e pan? Teveln̈ej tzeyac'och Dios d'a e c'ool.

Mt 17:20

—Maj el-laj yujto max eyac' val och Dios d'a e c'ool. Val yel sval d'ayex, tato tzeyac'och Dios chi' d'a e c'ool, vach'chom jab'n̈ej, icha junoc pitan̈ sat an̈ mostaza, ol yal eyalan icha tic d'a jun vitz tic: Elan̈ d'a ed'tal tic, ixic d'a junocxo lugar, xe chi. Tato icha chi', ol el eyuuj. Masanil tas ol yal eyuuj tato yel tzeyac'och Dios d'a e c'ool, xchi d'a eb'.

Mt 6:30

A juntzan̈ an̈ chi', ton̈ej ayec' an̈ ticnaic, axo q'uic'an tz'och an̈ sc'ac'aloc horno. Vach'chom icha chi' an̈, palta a Dios tz'ac'an svach'il yilji an̈. Yuj chi', ol yac'pax e pichul. Palta inai, teveln̈ej tzeyac'och Dios d'a e c'ool.

Mt 8:26

—¿Tas yuj tzex te xivi? Te teveln̈ej tzeyac'och Dios d'a e c'ool, xchi d'a eb'. Ix lajvi chi', ix q'ue vaan. Ix scachanoch vaan jun ic' chi' yed' a' n̈ajab' chi'. Yuj chi' ix numc'aj smasanil.

Mr 1:31

Ichato chi' ix c'och d'a stz'ey ix. Ix syaman sc'ab' ix, ix yic'anq'ue vaan ix. Val d'a jun rato chi' ix b'oxi sc'ol ix yuj jun c'ac'al yab'il chi', ix och ijan ix sc'atc'ancot eb'.

Mr 1:41

Axo Jesús ix oc' sc'ool, ix syamlan vin̈. —Tzin nib'ej sb'oxican a c'ool, xchi d'a vin̈.

Mr 11:23

Q'uinaloc ayex tzeyal d'a jun vitz tic: Elan̈ d'a ed'tal tic. Yumb'at a b'a d'a yol a' mar, tato xe chi, tato malaj e chab'c'olal, ol elc'och icha tzeyal chi'.

Mr 16:7

Ixiquec, b'at alec d'a eb' sc'ayb'um Jesús chi' yed' d'a vin̈aj Pedro to ol b'ab'laj c'och eyuuj d'a Galilea. Ata' ol eyila', icha yaj yalancan d'ayex, xchi d'a eb' ix.

Mr 4:40

Ix lajvi chi', ix yalan d'a eb' sc'ayb'um chi': —¿Tas yuj tzex te xivi? ¿Tas yuj maxto eyac'och Dios d'a e c'ool? xchi d'a eb'.

Mr 5:41

Ix syaman sc'ab' ix, ix yalan d'a ix: —Talita cumi, xchi. Syalelc'ochi: Ach ix unin, a in sval d'ayach, q'uean̈ vaan, xchi.

Lc 24:34

Axo eb' chi', ix alan d'a eb' chavan̈ chi': —D'a val yel ix pitzvixi Jesús Cajal. Ix sch'ox sb'a d'a vin̈aj Simón tic, xchi eb'.

A Tas Sc'ulejnac Eb' Schecab' Jesús Hechos 4:30

Ac' val a poder d'ayon̈, yic vach' ol b'oxoc sc'ool eb' penaay. Ac' co b'o juntzan̈ milagro sch'oxanel a poder, yujn̈ej Uninal aton Jesús, sic'b'ilcaneli, xchi eb' d'a Dios.

Dt 32:36

A Jehová ol och yed' eb' schon̈ab' ayic ol yilani to man̈xalaj yip eb'. Ol oc' sc'ool Jehová chi' d'a eb' schecab', ayic ol yilani to man̈xa junoc mach syal scolvaji, man̈xalaj eb' checab', ma eb' yic sb'a.

1 Ti 2:8

Yuj chi' in gana slesalvi eb' vin̈ vinac d'a junjun lugar. A eb' syic'chaan̈ sc'ab' slesalvi, yovalilocab' vach' sb'eyb'al eb' d'a yichan̈ Dios, malajocab' schichonc'olal eb', malajocab' b'aj stelaj sb'a eb'.

A Sb'ab'el Carta San Pedro 1:5

Yujto scac'och Dios d'a co c'ool, yuj chi' van on̈ stan̈van yed' spoder masanto ol co vach' chaej co colnab'il. A jun co colnab'il tic, listaxo yaji yic vach' ol checlajel d'a slajvub'xo tiempoal.