Mt 14:28 - Chuj San Mateo Bible

²⁸ Axo ix yalan vin̈aj Pedro d'ay: —Mamin, tato yel a ach, avtej in b'at ed' ta', yic ol in b'eyb'at d'a sat a' yic tzin c'och d'ayach, xchi vin̈ d'ay.

Chuj San Sebastian Bible

²⁸ Ax Pedro 'ix aln 'ixtc 'a 'a: —Mamin, toto yel a 'ach, 'awtj in 'at et'oc, sec tzin b'eyt 'a yib'n̈ a', yic tzin c'och 'ayach, xchi 'a 'a.

Mt 14:28 ပူးပေါင်းရင်းမြစ်များ

Mt 14:27

Palta ix yal Jesús d'a eb': —Tec'an tzeyutej e b'a. A in. Man̈ ex xivoc, xchi d'a eb'.

Mt 14:29

—Cotan̈, xchi d'a vin̈. Yuj chi' ix elta vin̈ d'a yol te' barco chi'. Ix b'eyb'at vin̈ d'a sat a' yic sc'och vin̈ d'a Jesús chi'.

Mt 19:27

Axo vin̈aj Pedro ix alan d'ay: —Mamin, a on̈ tic, ix cactejcan masanil tas ay d'ayon̈, on̈ och a c'ayb'umoc. Yuj chi', ¿tas am spac ol co cha'a? xchi vin̈.

Mr 14:31

Palta axo vin̈aj Pedro chi', te yelc'olal ix yal vin̈: —Vach'chom ol in miljoccham ed'oc, palta man̈ val jab'oc ol vala' to man̈ ach vojtacoc, xchi vin̈ d'ay. An̈ejtona', icha chi' ix yutej eb' sc'ayb'um chi' yalan smasanil.

Jn 6:68

Axo vin̈aj Simón Pedro ix tac'vi d'ay: —Mamin, ¿mach b'aj ol on̈ och tzac'an jun? Malaj junxo mach icha tic sloloni yic sco cha co q'uinal d'a juneln̈ej.

Ro 12:3

A Dios ac'jinac vopisio tic yuj svach'c'olal. Yuj chi' svalb'at juntzan̈ tic d'ayex e masanil. Malajocab' junoc on̈ sco na'a to te jelan on̈. Yovalil emnaquil scutej co b'a, ato syala' tas copisio syac' Dios d'ayon̈, yujto ix cac'och d'a co c'ool.

Santiago 1:6

Ayic sco c'anan co jelanil chi', yovalil scac' och d'a co c'ool to ol co cha'a. Man̈ chab'c'olaloc sco c'ana'. Yujto a eb' ay schab'c'olal d'a Dios, lajan eb' icha a' mar sq'ue chulan sat yuj ic' tz'emxi pon̈najoc.