Mt 14:15 - Chuj San Mateo Bible

¹⁵ Axo d'a yemc'ualil, ix c'och eb' sc'ayb'um d'a stz'ey. Ix yalan eb': —Ina vanxo yem c'u, palta d'a jun lugar tic malaj anima. Yuj chi', tecan vach' tza chec pax eb' anima tic d'a juntzan̈ aldea d'a slac'anil tic, yic vach' ol sman va sb'a eb' ta', xchi eb' d'ay.

Chuj San Sebastian Bible

¹⁵ Ax 'a yemc'ual, 'ix jaw eb' scuywum 'a stz'ey. 'Ix yaln eb' 'ixtc 'a 'a: —'Ilto, wan s'at c'u, palta a 'a jun lugar tic caw cusltac. Yuj cha, tecn wach' tza checb't eb' 'anma tic 'a jun tzo'n̈ aldea 'a la'n tic, sec wach' 'oj sman wa sb'a eb' ta', xchi eb'.

Mt 14:15 ပူးပေါင်းရင်းမြစ်များ

Mt 14:13

A ix yab'an jun chi' Jesús, ix och d'a yol jun te' barco yed' eb' sc'ayb'um. Sch'ocojxon̈ej eb' ix b'at d'a jun lugar b'aj malaj anima. Palta ix yab'an eb' anima to sb'at eb'. Yuj chi' ix laj elta eb' d'a junjun chon̈ab'. Ix laj b'at eb' d'a yoc yic sc'och eb' b'aj sc'och Jesús chi'.

Mt 14:14

Axo ix elta d'a yol te' barco chi', ix yilani, man̈ jantacoc eb' anima ayxo ec' ta'. Yuj chi' ix oc' sc'ool d'a eb'. Ix yac'an b'oxoc sc'ool juntzan̈ eb' penaay ix ic'jib'at d'ay.

Mt 14:16

—Man̈ yovaliloc b'at sman va sb'a eb'. Aq'uec va eb' a ex tic, xchi Jesús d'a eb' sc'ayb'um chi'.

Mt 15:23

Palta max tac'vilaj d'a ix. Axo ix c'och eb' sc'ayb'um d'a stz'ey, ix yalan eb' d'ay: —Octom tza chec meltzaj jun ix tic, yujto man̈ jantacoc yavaj ix d'a co patic, xchi eb' d'ay.

Mr 8:3

Tato malaj tas sva eb', tzin checan pax eb' d'a spat, tecan ol el yip eb' d'a yol b'e, yujto ay eb' najat ix coti, xchi Jesús d'a eb'.

Lc 9:12

Ayic ix yilan eb' lajchavan̈ sc'ayb'um chi' to van yem c'u, ix yalan eb' d'ay: —Chec pax eb' anima tic yic syic' yip eb', b'atocab' eb' sman va sb'a d'a juntzan̈ chon̈ab' yed' d'a juntzan̈ lugar ay d'a co lac'anil tic, yujto malaj tas sva eb' b'aj ayon̈ ec' tic, xchi eb'.