Mt 12:19 - Chuj San Mateo Bible

¹⁹ Malaj b'aj ol yac' oval. Malaj b'aj ol el yav. Malaj mach ol ab'an sjaj d'a yol calle.

Chuj San Sebastian Bible

¹⁹ May 'aj 'oj yac' owal. May 'aj 'oj q'ue yaw, may mach 'oj 'ab'noc sjaj 'a yol caye.

Mt 12:19 ပူးပေါင်းရင်းမြစ်များ

Is 42:2

Man̈ ol avajoc, man̈ ol ab'chaj yel yav d'a yoltac calle.

Zacarías 9:9

A Jehová tz'alan icha tic: Tzalajan̈ec ex aj chon̈ab' Sion. B'itanan̈ec d'a tzalajc'olal ex aj Jerusalén. Ina val sjavi e reyal d'a e cal d'a emnaquilal, te tojol spensar. A' ol ex colanoc. Ayq'ue d'a yib'an̈ jun noc' yune' b'uru, yune' jun noc' nun b'uru.

Mt 11:29

Ol vac' junoc icatz e cuch ved'oc. C'ayb'ejec d'ayin, yujto a in tic nanam in, emnaquil in. Tato icha chi', ol eyic' eyip.

Mt 12:20

Ay eb' ob'iltac, icha junoc te' aj spacchaji, ma icha junoc candil van stupi, icha chi' yaj eb', palta a' ol colvaj yed' eb', man̈ ol ixtaj eb' yuuj. Icha chi' ol yutoc sb'a, masanto ol vach' och yajalil, axo yac'an yajalil chi' d'a stojolal.

Lc 17:20

Ay juntzan̈ eb' vin̈ fariseo ix c'anb'an d'a Jesús: —¿B'aq'uin̈ val ol och Dios Cajaloc? xchi eb' vin̈ d'ay. —Ayic ol och Dios Cajaloc, max yal-laj quilan yed' co sat.

2 Co 10:1

A Cristo, te emnaquil yutejnac sb'a, te vach' yutejnac spensar. Icha yutejnac sb'a chi', icha chi' svutej in tevib'at d'ayex a in Pablo in tic. Tz'alji, tob' emnaquil svutej in b'a ayic ay in ec' eyed'oc, axob' yic ayinec' d'a najat, tob' te ov in.