Mt 10:8 - Chuj San Mateo Bible

⁸ A eb' penaay yuj lepra, b'at eyac' b'oxoc eb'. Yed' juntzan̈xo eb' penaay, tzeyac' pax b'oxoc sc'ool eb'. Tzeyac'anpax pitzvoc eb' chamnac. An̈ejtona', slaj eyiq'uel eb' enemigo ayoch d'a eb' anima. Nab'an̈ej ix e cha jun opisio tic, yuj chi' nab'an̈ej tzex colvaj pax d'a eb'.

Chuj San Sebastian Bible

⁸ A eb' ya'ay yuj lepra, tz'ec' eyac' b'oxc eb'. Yet' pax jun tzo'n̈ xo eb' ya'ay, tzeyac' b'oxc sc'ojl pax eb'. Tzeya'n pax pitzwc eb' chamnac. An̈jtona', tz'ec' laj eyi'nc pax 'el ewin demonio 'a eb' 'anma'. Xe chaj jun e poder tic 'a nab'an̈ej, yuj cha, 'oj e colwj pax yet' 'a nab'an̈ej jun xo.

Mt 10:8 ပူးပေါင်းရင်းမြစ်များ

Is 55:1

Ix yalan Jehová icha tic: Masanil ex stacji e ti', cotan̈ec, ul uq'uec a a'. A ex malaj e tumin, cotan̈ec ul chaec tas tze va d'a nab'an̈ej, ul chaec yal uva yed' lech man̈ tupb'iloc.

Nm 18:7

Palta a achn̈ej yed' eb' uninal tzil munlajel b'aj ay altar yed' d'a spaticoch c'apac cortina. A juntzan̈ opisio chi' ix vala' to a exn̈ej tic tzeyila', yujto a in ix vac' eyopisio. Tato ay junoc mach man̈ ayococh sacerdoteal d'a yib'an̈ snitzanoch sb'a d'a slac'anil juntzan̈ yamc'ab' chi', a jun chi' tojoln̈ej schami, xchi Jehová.

Mt 10:1

Axo Jesús ix avtancot eb' sc'ayb'um slajchavan̈il. Ix ac'ji yopisio eb' yic'anel eb' enemigo. Ix yac'anpax yopisio eb' yac'an b'oxoc sc'ool eb' yalxon̈ej tas ilyail tz'ic'ani ma yaelal.

Mt 10:7

B'at eyaleli to toxo ol vach' och Dios aj satchaan̈ Yajalil.

Mt 10:9

Ayic tzex b'ati, man̈ eyic'b'at e tumin. Malaj junoc centavo tzeyic'b'ati.

Mr 16:18

Tato ol syam junoc noc' chan eb', tato ol yuc' junoc tas eb' to scham anima yuuj, malaj ol ic'an eb'. Tato ol yaq'uec' sc'ab' eb' d'a yib'an̈ eb' penaay, ol b'oxoc sc'ool eb', xchican Jesús.

Lc 10:9

Tzeyac' b'oxoc sc'ol eb' penaay b'aj tzex c'och chi', tzeyalan d'a eb': Stiempoalxo eyoch d'a yol sc'ab' Dios, xe chi d'a eb'.

A Tas Sc'ulejnac Eb' Schecab' Jesús Hechos 3:6

Palta ix yalan vin̈aj Pedro chi' d'a vin̈: —A in tic, malaj in tumin. Palta ay jun syal vuuj, a yed' jun chi' ol in colvaj d'ayach. Yuj spoder Jesucristo aj Nazaret q'uean̈ vaan, b'eyan̈, xchi vin̈ d'a vin̈.

A Tas Sc'ulejnac Eb' Schecab' Jesús Hechos 4:30

Ac' val a poder d'ayon̈, yic vach' ol b'oxoc sc'ool eb' penaay. Ac' co b'o juntzan̈ milagro sch'oxanel a poder, yujn̈ej Uninal aton Jesús, sic'b'ilcaneli, xchi eb' d'a Dios.