Mr 9:5 - Chuj San Mateo Bible

⁵ Yuj chi', ix yalan vin̈aj Pedro d'ay. —Mamin, te vach' cajec' d'a tic. Tecan vach' sco b'o oxeoc lechpat, jun ico', jun yic vin̈aj Moisés yed' junoc yic vin̈aj Elías chi', xchi vin̈ d'ay.

Chuj San Sebastian Bible

⁵ Yuj cha, xyaln Pedro 'ixtc 'a 'a: —Ach in Cuymal, caw wal wach' yujto 'ayn̈ec 'ec' 'a tic, tecn wach' tzqui b'o 'oxe'oc pat on̈, junc eco', junc yic Moisés yet' junc yic Elías, xchi 'a 'a.

Mr 9:5 ပူးပေါင်းရင်းမြစ်များ

Salmos 84:10

Yelxo val te vach' tzin aj junoc c'ual d'a slac'anil a cajnub', d'a yichan̈ pax mil c'ual najat ay in eli. In gana to tzin aj in tan̈vej spuertail a cajnub' chi' d'a yichan̈ to tzin aj d'a spat eb' sc'ulan chucal.

Mt 17:4

Yuj chi' ix yalan vin̈aj Pedro d'a Jesús chi': —Mamin, te vach' cajec' d'a tic. Tato a gana, sco b'o oxeoc lechpat, jun ico', jun yic vin̈aj Moisés yed' jun yic vin̈aj Elías, xchi vin̈.

Mt 23:7

Axo yic slaj ec' eb' d'a calle, stzalaj val eb' ayic slaj yac'anem sb'a eb' anima d'a eb'. Ste q'uechaan̈ eb' ayic tz'alji eb' yuj eb' anima sc'ayb'umaloc.

Mt 23:8

Palta a exxo tic, man̈ e cha aljoc e b'a c'ayb'umal, yujto junn̈ej e c'ayb'umal. A exxo tic, eyuc'tac e b'a, eyanab' e b'a e masanil.

Mr 9:4

Axo ix yilan eb', ayec' vin̈aj Elías yed' vin̈aj Moisés van slolon eb' yed'oc.

Mr 9:6

Man̈ yojtacoc vin̈aj Pedro chi' tas syala' yujto te xivnac eb' sc'ayb'um chi'.

Lc 9:33

Vanxo satxiq'ue eb' chavan̈ chi', ix yalan vin̈aj Pedro chi' d'ay: —Mamin, te vach' cajec' d'a tic. Co b'o oxeoc lechpat, jun ico', jun yic vin̈aj Moisés yed' pax junoc yic vin̈aj Elías, xchi vin̈. Palta man̈ yojtacoc vin̈ tas van yalani.

Jn 4:31

Ayic manto c'och eb', ix yalan eb' sc'ayb'um Jesús chi' d'ay: —Ach co C'ayb'umal, va'an̈ jab'oc, xchi eb'.

A Scarta San Pablo D'a Eb' Aj Filipos 1:23

Max nachajlaj vuuj. In gana tzin chami, yic elan̈chamel tzin c'och b'aj ayec' Cristo, yujto a jun chi' tzin te nib'ejxo paxi.

1 Jn 3:2

Ex xajanab'il vuuj, yuninal on̈xo Dios ticnaic. Maxto nachajel-laj cuuj chajtil ol on̈ aj elc'ochoc. Palta cojtac to ayic ol jax Jesucristo, lajan ol on̈ aj yed'oc, yujto ol quila' chajtil yilji.