Mr 9:20 - Chuj San Mateo Bible

²⁰ Yuj chi', ix b'at yic'ancot jun yuninal vin̈ chi' eb'. A ix yilanoch jun enemigo chi' to a Jesús, masn̈ej ix cot yoval scot d'a sjolom jun unin chi'. Ix telvi d'a sat luum, ix te ec' b'alb'onoc. Ix voman sti'.

Chuj San Sebastian Bible

²⁰ Yuj cha, x'at yi'nc cot eb' 'a 'a. Yic 'ix yiln 'och jun demonio cha, to a Jesús, caw 'ix wach' cot 'a sjolm jun 'unn cha, 'ix telw 'a lu'um, caw 'ix pichtpichtn 'eq'ui, 'ix jaw swom sti'.

Mr 9:20 ပူးပေါင်းရင်းမြစ်များ

Mr 1:26

Ix cot d'a sjolom vin̈ yuj jun enemigo chi'. Ix te el yav vin̈. Ichato chi' b'ian, ix el jun enemigo chi'.

Mr 9:18

Yalxon̈ej b'aj scot d'ay, syumji telvoc yuuj. Svoman sti', sjuch'uch'i ye, stzatzb'icanel yuuj. Ix val d'a eb' a c'ayb'um to syiq'uel eb', palta maj yal-laj yic'anel eb' d'ay, xchi vin̈ d'a Jesús chi'.

Mr 9:19

Yuj chi' ix yalan Jesús chi': —A... a ex tic, te max eyac'och Dios d'a e c'ool. Ina ayxo tiempo ayinec' eyed'oc. ¿B'aq'uin̈to val ol nachajel eyuuj? Svab' val syail eyuuj. Iq'ueccot jun unin chi' d'ayin, xchi.

Mr 9:21

Yuj chi', ix sc'anb'an Jesús d'a smam jun unin chi': —¿Jantacxo tiempo syamchaj yuuj? xchi. Ix yalan vin̈: —Atax d'a yuninal aytaxonoch d'ay.

Mr 9:26

Yuj chi', ix el yav jun enemigo chi'. Te ov ix cotxi d'a sjolom jun unin chi'. Ichato chi' b'ian ix el d'ay. Axo jun unin chi', icha chamnac ix ajcan yuuj. Yuj chi', tzijtum eb' ix alani: —Ix chami, xchi eb'.

Lc 4:35

Axo Jesús ix tuman jun enemigo chi', ix yalan d'ay: —Tz'in xa chi, actejcan jun vin̈ tic, xchi d'ay. Ix lajvin̈ej chi', ix syuman telvoc jun vin̈ b'aj ayoch chi', ix eli, maj lajvoclaj vin̈ yuuj.

Lc 9:39

Ay b'aj tz'och jun enemigo d'ay, tz'el yav, scot numnaj d'a sjolom, svoman sti'. Tz'ixtaj vin̈ yuuj, max el-laj jab'oc d'ay.

Lc 9:42

Ayic vanxo slac'anb'ic'och jun unin chi' d'a Jesús, axo jun enemigo chi' ix yumanxi telvoc, ix cot numnaj d'a sjolom. Ix stuman jun enemigo chi' Jesús, ix b'oxi sc'ol vin̈ unin chi' yuuj, ix yac'anxi d'a vin̈ smam chi'.

Jn 8:44

A ex tic, a jun e mam, aton vin̈ diablo. Yuj chi', an̈ej d'a vin̈ tzeyac'och e pensar. An̈ej tas snib'ej vin̈ tze c'ulej. Yictax ix b'oji yolyib'an̈q'uinal tic, milumcham anima vin̈. Malaj yelc'och jab'oc tas yel d'a vin̈, yujto an̈ej es sgana vin̈. Ayic syesan vin̈, d'a spensar vin̈ scoti, yujto esalvum vin̈. A d'a vin̈ pitzvinaccot es chi'.

A Sb'ab'el Carta San Pedro 5:8

Lista scutej co b'a co macvaji, yujto icha yaj noc' choj tz'el yav tz'ec' sayec' schib'ej, icha chi' yec' vin̈ ajc'ool d'a co patic quichan̈, aton vin̈ diablo.