Mr 7:34 - Chuj San Mateo Bible

³⁴ Ix q'ue q'uelan d'a satchaan̈, ix javi sic'son sc'ool. —Efata, xchi. Syalelc'ochi: Jacvocab'i.

Chuj San Sebastian Bible

³⁴ 'Ix q'ue q'ueln 'a satcha'an̈, 'ix jaw sc'ojol. Efata, xchi. Tzyal 'el'chi: Jacw cab' a chiquin, xchi.

Mr 7:34 ပူးပေါင်းရင်းမြစ်များ

Ex 2:23

Ayic ayxo tiempo yajec' vin̈ d'a Madián chi', ix cham vin̈ sreyal Egipto. Palta axo eb' israel an̈eja' yab'an syail eb' yujto checab' yaj eb' ta'. Ichato chi' b'ian, ix ab'ji scusc'olal eb' yed' syaelal yuj Dios.

Is 53:3

A eb' anima, ol sb'uch jun checab' chi' eb', ol spatiquejel eb'. Ol ac'jococh yaelal d'a yib'an̈ yuj eb', ol techaj yuuj, yujto c'ajan yab'an syail. Icha junoc mach man̈xo smojoc yiljiochi, ol paticajeloc. Malaj ol elc'och jun checab' chi' d'ayon̈.

Mr 1:41

Axo Jesús ix oc' sc'ool, ix syamlan vin̈. —Tzin nib'ej sb'oxican a c'ool, xchi d'a vin̈.

Mr 15:34

Ix lajvin̈ej chi', te chaan̈ ix avajq'ue Jesús: —Eloi, Eloi, ¿lama sabactani? xchi. Syalelc'ochi: Ach in Diosal, ach in Diosal, ¿tas yuj tzin actejcan in ch'ocoj? xchi.

Mr 5:41

Ix syaman sc'ab' ix, ix yalan d'a ix: —Talita cumi, xchi. Syalelc'ochi: Ach ix unin, a in sval d'ayach, q'uean̈ vaan, xchi.

Mr 6:41

Ix lajvi chi', ix yic'anchaan̈ oye' pan chi' Jesús yed' cha pitan̈ chay chi'. Ix q'ue q'uelan d'a satchaan̈, ix yac'an yuj diosal, ix xepanb'at ixim pan chi'. Ix lajvi chi', ix yac'an d'a eb' sc'ayb'um chi', yic spucanb'at eb' d'a eb' anima chi'. Ix spucanpaxb'at cha pitan̈ chay chi' d'a eb' smasanil.

Mr 7:35

D'a jun rato chi', ix jacvi schiquin vin̈. Ix tijviel yac' vin̈. Ix lolonq'ue vin̈.

Mr 8:12

Axo Jesús ix ja sic'son sc'ool. Ix yalani: —A ex tic, ¿tas yuj tze c'an eyil junoc milagro d'ayin? Val yel sval d'ayex, malaj junoc milagro ol in ch'ox eyila', xchi Jesús.

Lc 18:42

—B'oocab'xican ilani. Tzach b'oxicani yujto in ac'och d'a a c'ool, xchi Jesús d'a vin̈.

Lc 19:41

Axo yic van sc'och Jesús d'a Jerusalén, ix yilanb'at jun chon̈ab' chi', ix oc' yuuj.

Lc 7:14

Ix snitzanoch sb'a Jesús d'a stz'ey b'aj ayec' b'achan jun chamnac chi', ix yac'anec' sc'ab' d'a yib'an̈. Ix och vaan eb' b'achjinac chi'. Ix yalan Jesús d'ay: —Ach quelem, a in sval d'ayach: Q'uean̈ vaan, xchi.

Jn 11:33

Ayic ix yilan Jesús to tz'oc' ix, tz'oc' pax eb' aj Judea ix c'och yed' ix, ix te cusq'ue yed' eb'.

Jn 11:35

Ix oc' Jesús.

Jn 11:38

Te cusnac Jesús ayic ix c'och b'aj mucan vin̈aj Lázaro chi'. A d'a yol jun q'uen q'ueen joyb'ilel yool, ata' ayoch snivanil vin̈. Aypaxoch jun q'uen q'ueen smaculoc sti' q'ueen.

Jn 11:41

Ichato chi' ix yic'anel q'uen smacul chi' eb' b'aj ayoch snivanil vin̈ chi'. Ix q'ue q'uelan Jesús d'a satchaan̈, ix yalani: —Mamin, svac' yuj diosal d'ayach yujto ix ab' tas svala'.

Jn 11:43

Ix lajvi yalan juntzan̈ chi', te chaan̈ ix yala': —Lázaro, elan̈coti, xchi.

Jn 17:1

Ix lajvi yalan juntzan̈ chi' Jesús, ix q'ue q'uelan d'a satchaan̈, ix yalani: —Mamin, toxo ix ja stiempoal a ch'oxaneli to nivan velc'och a in Uninal in tic, yic ol in ch'oxpaxel snivanil elc'ochi.

A Tas Sc'ulejnac Eb' Schecab' Jesús Hechos 9:34

Yuj chi' ix yal vin̈ d'a vin̈: —Ach Eneas, sval d'ayach, a Jesucristo tz'ac'an b'oxoc a c'ool. Yuj chi' q'uean̈ vaan, pac a vaynub' tic, xchi vin̈ d'a vin̈. Val d'a jun rato chi', ix q'ue van vin̈.

A Tas Sc'ulejnac Eb' Schecab' Jesús Hechos 9:40

Axo vin̈ ix checanxiemta eb' smasanil. Ix lajvi chi' ix em cuman vin̈, ix lesalvi vin̈. Ix och q'uelan vin̈ d'a ix Dorcas chi'. Ix yalan vin̈ d'a ix: —Ach Tabita, sval d'ayach, q'uean̈ vaan, xchi vin̈ d'a ix. Axo ix elta q'uelan ix. Ix yilanoch vin̈aj Pedro chi' ix, ix q'ue c'ojan ix.

A Ch'an̈ Carta D'a Eb' Hebreo 4:15

A jun tz'ac'anoch co ti' d'a Dios, a' tz'oc' sc'ool d'ayon̈ ayic malaj quip, yujto lajan ix utaj yac'ji proval ichoc on̈ tic, palta malaj juneloc ix och smul.