Mr 7:17 - Chuj San Mateo Bible

¹⁷ Ix lajvi chi', ix actajcan eb' anima yuj Jesús, ix och d'a yol pat yed' eb' sc'ayb'um. Ix sc'anb'an eb' d'ay: —¿Tas syalelc'och jun ix al tic? xchi eb' d'ay.

Chuj San Sebastian Bible

¹⁷ Xlajw cha, xyactn can Jesús eb' 'anma cha, 'ix 'och 'a yol n̈a yet' eb' scuywum, 'ix sc'anb'n eb' 'a 'a yuj tas tzyal 'el'ch jun 'ab'x tic.

Mr 7:17 ပူးပေါင်းရင်းမြစ်များ

Mt 13:10

Axo eb' sc'ayb'um Jesús ix c'och d'a stz'ey. Ix sc'anb'an eb' d'ay: —¿Tas yuj an̈ej juntzan̈ ab'ix sch'oxanel c'ayb'ub'al tzal d'a eb'? xchi eb' d'ay.

Mt 13:36

Axo Jesús, ix tac'lancan sb'a yed' eb' anima chi', ix ochxi d'a yol pat. Ix och pax eb' sc'ayb'um yed'oc. Ix yalan eb' d'ay: —A yab'ixal an̈ avalan̈ ix al chi', al d'ayon̈ tas val syalelc'ochi, xchi eb' d'ay.

Mt 15:15

Axo ix yalan vin̈aj Pedro d'a Jesús: —Al d'ayon̈ tas syalelc'och jun ab'ix ix al d'a eb' fariseo chi', xchi vin̈ d'ay.

Mr 2:1

Ayxom sjayiloc c'u, ix c'ochxi Jesús d'a chon̈ab' Capernaum. Axo ix yab'an eb' anima to ayec' d'a spat.

Mr 3:20

Ix lajvi chi', ix b'at Jesús d'a jun pat yed' eb' sc'ayb'um. Tzijtum anima ix smolb'ej sb'a junelxo. Yuj chi' maxtzac yac' tiempo sva eb'.

Mr 4:10

Ayic man̈xalaj eb' anima chi' ayec' yed' Jesús, axo eb' sc'ayb'um slajchavan̈il yed' eb' ayec' d'a stz'ey, ix sc'anb'ej eb' d'ay: —¿Tas yuj ab'ixn̈ej tz'aj a c'ayb'an eb' anima? xchi eb'.

Mr 4:34

An̈ej juntzan̈ ab'ix chi' ix yac'lab'ej a ix yalanel d'a eb' anima. Axo yic ayec' sch'ocoj yed' eb' sc'ayb'um, ix laj yal d'a eb' tastac syalelc'och masanil juntzan̈ chi'.

Mr 7:18

Ix yalanpax d'a eb': —¿Tom max nachajel eyuuj? ¿Tom man̈ eyojtacoc? A tas tz'och d'a co ti' max on̈ juviel-laj yuuj d'a yichan̈ Dios,

Mr 9:28

Ix lajvin̈ej chi', ix och Jesús sch'ocoj yed' eb' sc'ayb'um d'a yol pat. Ata' ix sc'anb'ej eb' d'ay: —¿Tas yuj maj yal quic'anel jun enemigo chi'? xchi eb'.