Mr 6:23 - Chuj San Mateo Bible

²³ Ix yac'an sti' vin̈ d'a ix, ix slocan sb'i Dios vin̈: —Yaln̈ej tas junoc tza c'an d'ayin, ol vac'n̈ej d'ayach. Vach'chom a masanil tas ay d'a yol in macb'en, nan̈al ol vac' d'ayach, xchi vin̈ d'a ix.

Chuj San Sebastian Bible

²³ 'Ix ya'n win sti', slocn win sb'i Dios: Tzann̈j junc tas tza c'an 'ayin, 'oj wa'n̈j 'ayach, wach'xam a smasnil tas 'ay 'a yol in c'ab', spacl 'oj wutc wa'n 'ayach, xchi win 'a 'ix.

Mr 6:23 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 6:31

Ix yalan vin̈ rey chi': Cotocab'can yoval sc'ol Dios d'a vib'an̈ tato max viq'uel sjolom vin̈aj Eliseo yuninal vin̈aj Safat d'a jun c'u tic, xchi vin̈.

Ester 5:3

Ix sc'anb'an vin̈ d'a ix icha tic: —¿Tas tzach ic'an reina Ester? ¿Tas tza nib'ej? Tato tza nib'ej tza c'an nan̈aloc in macb'en tic, syal vac'an d'ayach, xchi vin̈ d'a ix. Ix tac'vi ix icha tic:

Ester 5:6

Ayic van yuc'an vino eb', ix yalan vin̈ rey chi' d'a ix icha tic: —C'an masanil tas tza nib'ej d'ayin, ol vac' d'ayach, vach'chom tza c'an nan̈aloc in macb'en tic, syal vac'an d'ayach, xchi vin̈.

Ester 7:2

Axo yic van yuc'an vino eb' vin̈, ix yalan vin̈ rey chi' d'a ix Ester chi' icha tic: —C'an tas tza nib'ej d'ayin, ol vac' d'ayach, vach'chom a nan̈aloc in macb'en tic tza c'ana', xchi vin̈.

Pr 6:2

van ac'anem a yaalil, ol cotcan d'a ib'an̈ yuj b'aj ix ac'och a b'a chi'.

Mt 14:7

Yuj chi' ix yac' sti' vin̈ d'a ix, ix slocan sb'i Dios vin̈: —Yaln̈ej tas junoc ol a c'an d'ayin, ol vac' d'ayach, xchi vin̈ d'a ix.

Mt 4:9

Ix lajvi chi', ix yalan vin̈: —Masanil juntzan̈ tic, ol vac' iquej, tato tzach em cuman d'ayin, tzalan a b'a d'ayin, xchi vin̈.

Mr 6:24

Axo ix elixta ix. Ix yalan ix d'a ix snun: —¿Tas a gana ol in c'ana'? xchi ix. Ix tac'vi ix snun ix chi': —A sjolom vin̈aj Juan, vin̈ tz'ac'an bautizar tza c'ana', xchi ix.

A Ch'an̈ B'ab'el Libro Samuel 28:10

Ix yac'an sti' vin̈aj Saúl chi': —Svac' in ti' d'a yichan̈ Jehová to malaj tas ol ach ic'anoc, xchi vin̈.