Mr 4:40 - Chuj San Mateo Bible

⁴⁰ Ix lajvi chi', ix yalan d'a eb' sc'ayb'um chi': —¿Tas yuj tzex te xivi? ¿Tas yuj maxto eyac'och Dios d'a e c'ool? xchi d'a eb'.

Chuj San Sebastian Bible

⁴⁰ Xlajw cha, xyaln 'ixtc 'a eb' scuywum cha: —¿Tas yuj tzex caw xiwi? ¿Tas yuj matz eya'ch wal e c'ojl 'a Dios? xchi 'a eb'.

Mr 4:40 ပူးပေါင်းရင်းမြစ်များ

Is 42:3

Ay eb' te ilb'aj c'ool, icha te' aj scan̈chaji, ma ichoc sc'apaquil candil van stupi. Palta ol colvaj in checab' chi' d'a eb', man̈ ol svach' ixtej eb', tojol ol yutoc sch'olb'itan tas yaj eb'.

Is 43:2

Ayic ol ex ec' d'a yol a a', ayinec' eyed'oc. Ayic ol ex ec' d'a a' nivac a', man̈ ol e jic' a'. Ayic ol ex ec' d'a scal te' c'ac', man̈ ol ex tz'ab'atoc.

Mt 14:31

Yed'n̈ej chi', ix b'at yamji sc'ab' vin̈ yuj Jesús, ix yalan d'a vin̈: —A ach tic, te jab'n̈ej tzin ac'och d'a a c'ool. ¿Tas yuj tzac' chab'c'olal? xchi d'a vin̈.

Mt 16:8

Axo Jesús yojtacxo tas van yalan eb'. Yuj chi' ix yalanpax d'a eb': —¿Tas yuj tzeyala' to malaj ixim e pan? Teveln̈ej tzeyac'och Dios d'a e c'ool.

Mt 6:30

A juntzan̈ an̈ chi', ton̈ej ayec' an̈ ticnaic, axo q'uic'an tz'och an̈ sc'ac'aloc horno. Vach'chom icha chi' an̈, palta a Dios tz'ac'an svach'il yilji an̈. Yuj chi', ol yac'pax e pichul. Palta inai, teveln̈ej tzeyac'och Dios d'a e c'ool.

Mt 8:26

—¿Tas yuj tzex te xivi? Te teveln̈ej tzeyac'och Dios d'a e c'ool, xchi d'a eb'. Ix lajvi chi', ix q'ue vaan. Ix scachanoch vaan jun ic' chi' yed' a' n̈ajab' chi'. Yuj chi' ix numc'aj smasanil.

Mr 4:41

Axo eb', ton̈ej ix te sat sc'ool eb' yuuj. Ix laj yalan eb': —¿Tas yaj jun vin̈ tic? Ina sc'anab'ajax vin̈ yuj ic' yed' a' n̈ajab' tic, xchi eb'.

Lc 8:25

Ichato chi' b'ian, ix yalan d'a eb' sc'ayb'um chi': —¿Tas yuj max eyac'och Dios d'a e c'ool? xchi d'a eb'. Toxon̈ej ix och q'uelan eb', ix sat sc'ool eb', ix yalan eb': —¿Tas yaj jun vin̈ tic? Scachji jun ic' tic yed' a a' tic yuj vin̈, ix c'anab'ajax vin̈ yuj juntzan̈ tic, xchi eb'.