Mr 4:2 - Chuj San Mateo Bible

² Tzijtum tas ix yac' sc'ayb'ej eb'. Ix yalan juntzan̈ ab'ix d'a eb'. Xchi icha tic:

Chuj San Sebastian Bible

² Til wal tastc xyac' scuy eb'. 'Ix yaln jun tzo'n̈ 'ab'x 'a eb' 'ixtic:

Mr 4:2 ပူးပေါင်းရင်းမြစ်များ

Salmos 49:4

Ol in maclej val vab' slolonel eb' jelan. Ol in b'itej tas ix in c'ayb'ej chi' yed' sonal te' arpa.

Salmos 78:2

Ol val juntzan̈ lolonel nivan yelc'och d'ayex. A juntzan̈ tas c'ub'eltac yajcan d'a peca', a ol vala', aton juntzan̈ manta b'aj tz'alchajeli.

Mt 13:10

Axo eb' sc'ayb'um Jesús ix c'och d'a stz'ey. Ix sc'anb'an eb' d'ay: —¿Tas yuj an̈ej juntzan̈ ab'ix sch'oxanel c'ayb'ub'al tzal d'a eb'? xchi eb' d'ay.

Mt 13:3

Tzijtum juntzan̈ ab'ix ix yal d'a eb'. Ix yalan icha tic: —Ay jun vin̈ ix b'at tzicojcanb'at in̈at trigo.

Mt 7:28

Axo yic ix lajvi yalan Jesús d'a eb' anima chi', ix sat sc'ool eb' yuj juntzan̈ sc'ayb'ub'al chi'.

Mr 10:1

Ix elxi Jesús d'a Capernaum b'aj ayec' chi', ix ec' d'a yol yic Judea. Ix c'och d'a junxo lugar ay d'a sc'axepal a' Jordán. Ata' ix smolb'ej sb'a eb' anima d'ay junelxo. Ix sc'ayb'an eb' ichataxon smodo.

Mr 12:1

Axo Jesús ix och ijan yalan jun ab'ix. Ix yalan icha tic: —Ay jun vin̈ ix avan juntzan̈ te' uva d'a sat sluum. Ix smacan vin̈ yed' q'uen tz'alq'ueen. Ix sb'oan jun yed'tal b'aj stec'chajel yal te' uva chi' vin̈. Ix sb'oanpaxq'ue jun b'aj tz'aj eb' stan̈van te' uva chi' vin̈, chaan̈ ix ajq'uei. Ix lajvi chi', ix yac'anb'at sluum vin̈ chi' majanil yed' te' uva chi' d'a juntzan̈ eb' vin̈ munlajvum. Ix b'atcan vin̈ d'a junxo lugar najat.

Mr 12:38

Ayic van sc'ayb'an eb' anima Jesús, ix yalani: —Tzeyil val e b'a, yujto a eb' c'ayb'um d'a ley Moisés, te ay smay sb'eyb'al eb'. Sgana eb' sb'eyec' yed' spichul te jucan. Axo yic tz'ec' eb' d'a calle, ste q'uechaan̈ eb' ayic slaj yac'anem sb'a eb' anima d'a eb'.

Mr 3:23

Axo Jesús ix avtancot eb' vin̈, ix yalan d'a eb' vin̈: —A vin̈ Satanás chi', ¿tas ol yutoc vin̈ spechanel eb' yetenemigoal?

Mr 4:11

Yuj chi', ix yalan d'a eb': —An̈ej d'ayex sch'ox Dios juntzan̈ tas manta mach ojtannac, yic vach' snachajel eyuuj chajtil tz'aj eyoch d'a yol sc'ab'. Palta axo d'a eb' anima smasanil, an̈ej juntzan̈ ab'ix sch'oxanel c'ayb'ub'al svala',

Mr 4:3

—Ab'ec. Ay jun vin̈ ix b'at tzicojb'at in̈at trigo.

Jn 18:19

Axo vin̈ sat sacerdote ix c'anb'an d'a Jesús: —¿Mach eb' a c'ayb'um? ¿Tas juntzan̈ a c'ayb'ub'al b'aj tza c'ayb'ej eb'? xchi vin̈ d'ay.