Mr 3:20 - Chuj San Mateo Bible

²⁰ Ix lajvi chi', ix b'at Jesús d'a jun pat yed' eb' sc'ayb'um. Tzijtum anima ix smolb'ej sb'a junelxo. Yuj chi' maxtzac yac' tiempo sva eb'.

Chuj San Sebastian Bible

²⁰ Xlajw cha, x'at Jesús 'a jun n̈a yet' eb' scuywum. Til wal 'anma 'ix syam sb'a jun 'ejm xo 'a 'a. Yuj cha, man̈ jac tztac' swa yet' eb' scuywum cha.

Mr 3:20 ပူးပေါင်းရင်းမြစ်များ

Mr 1:45

Axo ix b'at vin̈, ix syamanoch vin̈ yalaneli chajtil ix aj sb'oxi. Ix spucanel specal vin̈, yuj chi' max yal yoch Jesús d'a yol junoc chon̈ab', yujto tzijtum eb' sgana sc'och d'ay. B'aj malaj val anima ix eq'ui, palta ix laj cot eb' anima d'a junjun lugar, ix c'och eb' d'ay.

Mr 2:1

Ayxom sjayiloc c'u, ix c'ochxi Jesús d'a chon̈ab' Capernaum. Axo ix yab'an eb' anima to ayec' d'a spat.

Mr 3:19

Ayec' pax vin̈aj Judas aj Queriot, aton vin̈ ix ac'anoch Jesús d'a yol sc'ab' chamel.

Mr 3:7

Axo Jesús ix c'och d'a sti' a' n̈ajab' yic Galilea yed' eb' sc'ayb'um. Tzijtum eb' anima ix c'och yed' eb'. Ay eb' ix cot d'a yol yic Galilea,

Mr 3:9

Yuj chi' ix yalan Jesús d'a eb' sc'ayb'um to syac' lista junoc barco eb', yic max vitz'c'aj yuj eb' anima.

Mr 6:31

Ixto lajvi yalan eb', ix yalan Jesús d'a eb': —Coyec co ch'ocoj b'aj malaj anima, yic squic' quip ta', xchi. Ix yal icha chi', yujto malaj scolanil eb' yuj eb' anima, yujto sc'ochn̈ej eb' anima d'ay. Max och jab'oc scolanil eb' sva yuj eb'.

Mr 7:17

Ix lajvi chi', ix actajcan eb' anima yuj Jesús, ix och d'a yol pat yed' eb' sc'ayb'um. Ix sc'anb'an eb' d'ay: —¿Tas syalelc'och jun ix al tic? xchi eb' d'ay.

Mr 9:28

Ix lajvin̈ej chi', ix och Jesús sch'ocoj yed' eb' sc'ayb'um d'a yol pat. Ata' ix sc'anb'ej eb' d'ay: —¿Tas yuj maj yal quic'anel jun enemigo chi'? xchi eb'.

Lc 6:17

Ix emixta Jesús yed' eb' sc'ayb'um d'a jun tzalan chi', ix och vaan d'a jun ac'lic. Ata' ix smolb'ej sb'a jantac eb' anima tzac'anoch yuuj, yed' pax eb' cotnac d'a yol yic Judea, d'a chon̈ab' Jerusalén yed' d'a stitac a' mar d'a yol yic Tiro yed' Sidón. Ix javi eb' smaclej yab' tas syal Jesús chi', yic sb'oxipaxcan eb' penaay.