Mr 2:14 - Chuj San Mateo Bible

¹⁴ Axo yic van sb'ati, ix yilani to ayec' jun vin̈ scuch Leví, vin̈ yuninal vin̈aj Alfeo, c'ojanem vin̈ b'aj stecchajel alcabar. —Ochan̈ in c'ayb'umoc, xchi Jesús chi' d'a vin̈. Yuj chi' ix q'ue vaan vin̈, ix och vin̈ sc'ayb'umoc Jesús.

Chuj San Sebastian Bible

¹⁴ Ax 'a yic wan sb'eyi, 'ix yilni 'ayc' jun winc Leví sb'i, yunnal Alfeo, wocn 'ejm 'a 'aj tztecl stumn eb' 'anma'. —'Ochn̈ in cuywumoc, xchi Jesús 'a 'a. Yuj cha, 'ix q'ue wa'an, 'ix 'och scuywumoc.

Mr 2:14 ပူးပေါင်းရင်းမြစ်များ

Mt 8:22

Palta ix yalanpax d'a vin̈: —Con̈ ved'oc. A eb' chamnacto el d'a yichan̈ Dios, a eb' chi' syal smucan eb' yetchamnaquil chi', xchi Jesús d'a vin̈.

Mr 2:15

Axo ix c'och Jesús d'a spat vin̈aj Leví chi', ayic ix em c'ojan vael yed' eb' sc'ayb'um, ay juntzan̈xo eb' tecumel alcabar ix em c'ojan yed' eb' yed' juntzan̈xo eb' chuc sb'eyb'al, yujto tzijtumxo eb' ix och tzac'an yuuj.

Mr 3:18

Ayec' pax vin̈aj Andrés, vin̈aj Felipe, vin̈aj Bartolo, vin̈aj Mateo, vin̈aj Tomás, vin̈aj Jacobo yuninal vin̈aj Alfeo, vin̈aj Tadeo yed' vin̈aj Simón. A vin̈aj Simón tic, spartido sb'a vin̈ yed' eb' Zelote.

Lc 6:15

Vin̈aj Mateo, vin̈aj Tomás, vin̈aj Jacobo yuninal vin̈aj Alfeo, vin̈aj Simón tz'alji pax Zeloteal.

A Tas Sc'ulejnac Eb' Schecab' Jesús Hechos 1:13

Ix lajvi sc'och eb' d'a chon̈ab' chi', ix q'ue eb' d'a jun cuarto chaan̈ yajq'uei. Aton b'aj ay sposado vin̈aj Pedro, vin̈aj Jacobo, vin̈aj Juan, vin̈aj Andrés, vin̈aj Felipe, vin̈aj Tomás, vin̈aj Bartolomé, vin̈aj Mateo, vin̈aj Jacobo yuninal vin̈aj Alfeo, vin̈aj Simón, aton vin̈ yetb'eyumejnac sb'a yed' eb' Zelote yed' vin̈aj Judas yuninal vin̈aj Jacobo. Ata' ay sposado eb' vin̈ smasanil.