Mr 15:14 - Chuj San Mateo Bible

¹⁴ —Palta ¿tas smul vin̈ jun? xchi vin̈. Ix te q'ue n̈ilnaj eb' yalanxi: —Culusejq'ue vin̈, xchi eb'.

Chuj San Sebastian Bible

¹⁴ 'Ix yaln win Pilato chi 'ixtic: —¿Tas wal junc maysch'olnil 'ix sb'o'o? xchi winac. Palta yel xo wal xwach' q'ue somnjoc eb' yaln paxi: —'Och cab' win 'a spenc culus, xchi eb'.

Mr 15:14 ပူးပေါင်းရင်းမြစ်များ

Salmos 69:4

Ix ec'b'at sb'isul eb' tzin chacanel d'a xil in jolom, vach'chom malaj in mul d'a eb'. Toxo ix te q'uechaan̈ sb'isul eb' sgana in smilanchamoc. Sgana eb' svac' meltzaj tastac to man̈ velc'aloc.

Is 53:3

A eb' anima, ol sb'uch jun checab' chi' eb', ol spatiquejel eb'. Ol ac'jococh yaelal d'a yib'an̈ yuj eb', ol techaj yuuj, yujto c'ajan yab'an syail. Icha junoc mach man̈xo smojoc yiljiochi, ol paticajeloc. Malaj ol elc'och jun checab' chi' d'ayon̈.

Is 53:9

Malaj val jab'oc chucal ol sc'ulej, malaj jab'oc es ol elta d'a sti'. Vach'chom icha chi', a snaan eb' anima to ol mucchaj d'a scal eb' chuc, palta axo d'a scal eb' b'eyum ol mucchajoc.

Mt 27:19

C'ojanem vin̈aj Pilato chi' d'a sdespacho, ix c'och schecab' ix yetb'eyum vin̈ d'ay. Ix yalanb'at ix: Man̈ a locb'ej a b'a d'a vin̈ tojol spensar chi', yujto ix in vayichej vin̈ q'uiq'ui. Tzin xivb'at yuj jun in vayich chi', xchi ix.

Mt 27:4

Yuj chi', ix yalan vin̈ d'a eb' vin̈: —Ix och val in mul, yujto ix vac'och Jesús chi' d'a yol sc'ab' chamel, palta malaj jab'oc smul, xchi vin̈. Palta ix yalan eb' vin̈: —A on̈ tic, malaj coch d'a a mul chi'. A chumxo d'a chi', xchi eb' vin̈.

Mt 27:54

Axo eb' vin̈ soldado stan̈vumal Jesús yed' vin̈ scapitanil eb', ix yab'an eb' vin̈ yec' jun quixcab' chi'. Ix yilanpax eb' vin̈ juntzan̈xo tas ix uji. Yuj chi', ix te xiv eb' vin̈. Ix laj yalan eb' vin̈: —A jun vin̈ ix cham tic, val yel Yuninal ton Dios, xchi eb' vin̈.

Mr 15:13

Ix laj q'ue n̈ilnaj eb' yalani: —Culusejq'ue vin̈, xchi eb'.

Mr 15:15

Axo vin̈aj Pilato chi', sgana vin̈ to vach' scan d'a yichan̈ eb' anima, yuj chi' ix ac'jielta vin̈aj Barrabás chi'. Ix lajvi chi' ix ac'ji mac'joc Jesús yuj vin̈. Ichato chi' ix yac'anoch Jesús chi' vin̈ d'a yol sc'ab' eb' sgana sculusanq'uei.

Lc 23:21

Palta ayic ix yab'an eb' to icha chi', ix q'ue umnaj eb' yavaji: —Culusejq'ue vin̈. Culusejq'ue vin̈, xchi eb'.

Lc 23:4

Yuj chi', ix yal vin̈aj Pilato chi' d'a eb' vin̈ sat sacerdote yed' d'a eb' anima chi': —Malaj jab'oc smul jun vin̈ tic tz'ilchaj vuuj, xchi vin̈.

Lc 23:41

A on̈ tic, smoj val scab' syail co chaan spac co mul, palta a jun vin̈ tic, malaj tas ix smulej, xchi vin̈.

Lc 23:47

Axo jun vin̈ capitán aj Roma, ayic ix yilan juntzan̈ chi' vin̈, ix yal vach' lolonel vin̈ d'a Dios, ix yalan vin̈ icha tic: —Val yel a jun vin̈ tic, te malaj smul vin̈, xchi vin̈.

Jn 18:38

Axo ix yalan vin̈aj Pilato chi' d'ay: —¿Tas jun yel tzal chi'? xchi vin̈ d'ay. Ix lajvi yalan jun chi' vin̈aj Pilato chi', ix elixta vin̈ d'a sti' b'aj aycan eb' aj Judea chi'. Ix yalanelta vin̈ d'a scal eb': —A jun vin̈ tic, malaj jab'oc smul vin̈ svila'.

Jn 19:6

Ayic ix yilan eb' vin̈ sat sacerdote yed' eb' vin̈ stan̈vumal templo yelc'och Jesús d'a sti' chi', ix q'ue umnaj eb' vin̈ yalani: —Culusejq'ue vin̈. Culusejq'ue vin̈, xchi eb' vin̈. Ix yalanpax vin̈aj Pilato chi' d'a eb': —Iq'uecb'at vin̈ a ex tic, tze culusanq'ue vin̈ e ch'ocoj. Xal in tic, malaj jab'oc smul vin̈ tz'ilchaj vuuj, xchi vin̈.

A Tas Sc'ulejnac Eb' Schecab' Jesús Hechos 13:28

Malaj jab'oc smul ix ilchaj yuj eb', man̈ smojoc smilancham eb'. Palta xid' sc'anoch chamel eb' d'a yib'an̈ d'a vin̈aj Pilato, aton vin̈ yajal.

A Tas Sc'ulejnac Eb' Schecab' Jesús Hechos 19:34

Palta ayic ix yilan eb' anima chi' to israel vin̈, yuj chi' ix te vach' q'ue yav eb' smasanil. Ay am chab'oc hora ix avajq'ue eb', ix yalan eb' icha tic: —Te nivan yelc'och ix co diosal Diana a on̈ aj Éfeso on̈ tic, xchi eb'.

A Ch'an̈ Carta D'a Eb' Hebreo 7:26

Yuj chi', ayton val yopisio jun sat sacerdote chi' d'ayon̈, aton jun vach'n̈ej toni. Malaj jab'oc schucal ma smul ochnac. Man̈ lajanoc yed' eb' ajmul. A Dios ix ic'anchaan̈ d'a yib'an̈ eb' ay d'a satchaan̈.

A Sb'ab'el Carta San Pedro 1:19

Palta a schiq'uil Cristo ix ac'an ganar smanani, yujto nivan yelc'ochi. Yujto ix miljicham silab'oc icha junoc noc' calnel malaj spaltail, malaj pax jab'oc chucal tz'ilchaj d'ay.