Mr 14:61 - Chuj San Mateo Bible

⁶¹ Palta tz'inn̈ej xchi, maj tac'vi jab'oc. Yuj chi' ix yalanxi vin̈: —¿Tom a ach tic Cristo ach? ¿Tom Yuninal ach Dios, b'aj tz'alji vach' lolonel? xchi vin̈.

Chuj San Sebastian Bible

⁶¹ Palta caw sictac x'aji. Toxn ma'ix ta'wi. Yuj cha, xyaln pax win 'ixtic: —¿Tom ach tic Cristo ach? ¿Tom Yunnal ach Dios, 'aj tzalx wach' paxti'? xchi winac.

Mr 14:61 ပူးပေါင်းရင်းမြစ်များ

Salmos 119:12

Mamin Jehová, te vach' ach. C'ayb'ej in d'a a ley.

Salmos 2:7

Axo Vin̈ Rey Sic'b'ilel chi' tz'alani: Svalcanel tastac ix sna Jehová. Ix yal d'ayin: A d'a jun c'u tic, tzin ch'oxeli to Vuninal ach.

Salmos 39:9

Icha val eb' max ujilaj sloloni, icha chi' ix vutej in b'a. Man̈xalaj tas ix elta d'a in ti', yujto a ach tic ix ac'och juntzan̈ tic d'ayin.

Is 53:7

Ol ac'joc val och syaelal yuj eb' anima, emnaquilal ol aj yuj eb', palta malaj tas ol yala'. Ol ic'jocb'at yuj eb', icha tz'aj yic'jib'at noc' calnel b'aj smiljichamoc. Malaj tas ol yala', numann̈ej ol ajoc, icha noc' calnel sjoxchaji.

Mt 16:16

Axo vin̈aj Pedro ix tac'vi d'ay, ix yalan vin̈ icha tic: —A achton tic, Cristo ach, Yuninal ach Dios pitzan, xchi vin̈ d'ay.

Mt 3:17

Axo ix yab'an eb', ay jun ix lolonemta d'a satchaan̈. Ix yalan icha tic: —Aton jun tic, Vuninal. Te xajanab'il vuuj. Tzin tzalaj val yed'oc, xchi.

Mt 8:29

Ix q'ue yav eb' vin̈ d'a Jesús: —Ach Yuninal Dios, ¿tas och d'ayon̈? ¿Tom tzach ja ac'och yaelal d'a quib'an̈ yacb'an manto c'och stiempoal? xchi eb' d'ay.

Mr 14:60

Axo vin̈ sat sacerdote ix q'ue vaan d'a scal eb'. Ix yalan vin̈ d'a Jesús: —¿Tom max ach tac'vi jab'oc? ¿Tom max ab' juntzan̈ syac'och eb' tic d'a ib'an̈? xchi vin̈ d'ay.

Mr 15:2

Ix sc'anb'an vin̈ d'ay: —¿Tom a ach tic sReyal ach eb' israel? xchi vin̈ d'ay. —Yel ton tzala', xchi Jesús d'a vin̈.

Jn 1:34

A in tic ix vil jun chi'. Yuj chi' svac' testigoal in b'a yuuj to a Jesús tic, Yuninal ton Dios, xchi vin̈.

Jn 10:24

Axo eb' aj Judea ayec' ta', ix och oyan eb' d'a spatic Jesús. Ix yalan eb': —¿B'aq'uin̈to ol al sjichanil d'ayon̈? Tato yel Cristo ach, al d'ayon̈ ticnaic, xchi eb' d'ay.

Jn 10:36

Ocxom in tic, a Dios sic'jinac in eli, ix in schecancot d'a yolyib'an̈q'uinal tic. Yuj chi', ¿tas yuj tzeyala' to tzin b'uchvaj d'a Dios, ayic ix valani to Yuninal in Dios?

Jn 18:37

—¿Tom yel val jun to rey ach? xchi vin̈aj Pilato chi' d'ay. —Yel toni, rey in, ichaton tzal chi'. A in tic, in javi d'a yolyib'an̈q'uinal tic yic tzul valel jun tas te yel. Yuj val chi' in alji. Jantacn̈ej eb' yictaxon jun yel tic, syac'och schiquin eb' d'a tas svala', xchi Jesús chi'.

Jn 19:7

Ix yalanpax eb' aj Judea chi' d'a vin̈: —Palta ay jun ley aycan d'ayon̈. Yuj jun ley chi' yovalil ol miljoccham jun vin̈ tic, yujto ix yaloch sb'a vin̈ Yuninaloc Dios, xchi eb'.

Jn 19:9

Yuj chi' ix ochxic'och vin̈ d'a yol sdespacho, ix sc'anb'an vin̈ d'a Jesús: —¿B'ajtil cotnac ach jun? xchi vin̈ d'ay. Palta maj tac'voclaj Jesús chi' d'a vin̈.

A Tas Sc'ulejnac Eb' Schecab' Jesús Hechos 8:32

A Slolonel Dios van yavtan vin̈ chi', aton jun tz'alan icha tic: Icha junoc noc' calnel tz'ic'jib'at b'aj ol b'at chamoc, icha chi' ol aj yic'jib'at jun Schecab' Dios Cajal schami. Icha junoc noc' calnel tz'inn̈ej xchi sjoxchaji, icha pax chi' ol ajoc.

1 Ti 1:11

A jun c'ayb'ub'al te yel tic, aton jun vach' ab'ix yac'nac Dios d'ayin yic svaleli. A jun vach' ab'ix tic, te nivan yelc'ochi. A tz'alan yab'ixal Dios, aton jun te tzalajc'olal yaji.

1 Ti 6:15

Ayic ol javoc jun tiempoal icha sgana Dios, ato ta' ol elc'och jun tic yuuj. Yujto an̈ej ay spoder. Te tzalajc'olal yaji. A sReyal eb' rey. Yajal pax yaj d'a eb' yajal.

A Sb'ab'el Carta San Pedro 2:23

Ayic ix b'uchji, maj spaclaj sb'a. Ayic ix och d'a syaelal, maj yal-laj tato ol spac sb'a. An̈ej d'a yol scab' Dios ix yac'och sb'a, yujto an̈ejton jun Juez te tojol.