Mr 11:32 - Chuj San Mateo Bible

³² Palta max yal-laj calanpaxi to yic anima vin̈, xchi eb' vin̈. Icha chi' ix yutej eb' vin̈ yalani, yujto xiv eb' vin̈ d'a eb' anima. Yujto a vin̈aj Juan chi', schecab' Dios yaj vin̈ d'a yichan̈ eb' anima smasanil.

Chuj San Sebastian Bible

³² Palta matz tac' calnec paxi to yic 'anma', xchi ewinac. 'Ixta xyutj ewin yalni, yujto tzxiw ewin yuj eb' 'anma', yujto a Juan cha, caw schecb' Dios 'a sat eb' 'anma chi smasnil.

Mr 11:32 ပူးပေါင်းရင်းမြစ်များ

Mt 11:9

Palta jun, ¿tas xid' eyilnac? ¿Tom xid' eyilnac jun vin̈ tz'alanel slolonel Dios? Yel, yalumel slolonel Dios yaj vin̈aj Juan chi', palta man̈ocn̈ej jun chi' yopisio vin̈.

Mt 14:5

Sgana vin̈ smilancham vin̈aj Juan chi', palta xiv vin̈ d'a eb' anima, yujto ix nachajel yuj eb' anima chi' smasanil to a Dios ay schecab' vin̈aj Juan chi'.

Mt 21:46

Yuj chi' sgana eb' vin̈ ix syama'. Palta ix xiv eb' vin̈ d'a eb' anima, yujto a Jesús schecab' ton Dios yaj d'a eb' anima chi'.

Mr 11:31

Yuj chi', ix laj slajtian sb'a eb' vin̈ yuj juntzan̈ ix yal chi'. Ix laj yalan eb' vin̈: —¿Tas scutej calan d'a vin̈? Tato scala' to a Dios ac'jinac yopisio vin̈aj Juan chi', axom ol yalan vin̈ d'ayon̈: ¿Tas yuj maj eyac'och d'a e c'ool jun? xcham vin̈.

Mr 11:33

Yuj chi' ix yalan eb' vin̈ d'a Jesús: —Man̈ cojtacoc, mach am ac'jinac yopisio vin̈aj Juan chi', xchi eb' vin̈. —Tato icha chi', man̈ ol valpaxlaj d'ayex mach ac'jinac vopisio in c'ulan juntzan̈ chi', xchi Jesús d'a eb' vin̈.

Mr 12:12

Axo eb' vin̈ yajal ix sayani tas ol yutoc eb' vin̈ syamchaj Jesús chi', yujto ix nachajel yuj eb' vin̈ to yuj eb' vin̈ ix alji jun ab'ix chi'. Palta ix xiv eb' vin̈ d'a eb' anima. Yuj chi' ix yactejcan Jesús chi' eb' vin̈. Ix pax eb' vin̈.

Mr 6:20

yujto toxon yojtac vin̈aj Herodes chi' to tojol spensar vin̈aj Juan chi', to yic Dios yaj vin̈. Yuj chi', ix xiv vin̈ yuj vin̈aj Juan chi', ix yac'anoch stan̈vumal vin̈ vin̈, yic max cham vin̈ yuj ix Herodías chi'. Ay b'aj syal slolonel Dios vin̈aj Juan d'a vin̈aj Herodes chi'. Ton̈ej ste somchaj sc'ool vin̈ yuj vin̈, palta ste tzalaj vin̈ yab'an d'a vin̈.

Lc 20:19

A eb' vin̈ sat sacerdote yed' eb' vin̈ c'ayb'um d'a ley Moisés, ix snib'ej eb' vin̈ syam Jesús d'a elan̈chamel, yujto ix snael eb' vin̈ to a eb' vin̈ van yalani, palta ix xiv eb' vin̈ d'a eb' anima.

Lc 22:2

Axo eb' vin̈ sat sacerdote yed' eb' vin̈ c'ayb'um d'a ley Moisés ix sayan modo tas ol aj smilancham Jesús eb' vin̈ d'a c'ub'eltac, yujto xiv eb' vin̈ d'a eb' anima.

Jn 10:41

Tzijtum anima ix c'och ta'. Ix laj yalan eb': —A vin̈aj Juan, malaj b'aj ix sch'ox junoc tas satub'tac vin̈, palta jantacn̈ej tas ix yal vin̈ yuj Jesús tic, te yel, xchi eb'.

A Tas Sc'ulejnac Eb' Schecab' Jesús Hechos 5:26

Yuj chi', axo vin̈ yajal eb' stan̈van templo chi' yed' eb' vin̈ polencía, ix b'at eb' vin̈ yic'cot eb' vin̈. Palta ac'an̈c'olal ix yutej eb' vin̈ yic'ancot eb' vin̈ schecab' Jesús chi', yujto ix xiv eb' vin̈ sjulq'uenaj yuj eb' anima.