Mr 1:34 - Chuj San Mateo Bible

³⁴ Tzijtum macan̈il yab'il tz'ic'an eb', ix b'oxican eb' yuj Jesús chi'. Tzijtum eb' enemigo ix ic'jiel d'a eb'. Maj chajoclaj lolon eb' enemigo chi', yujto yojtacxo eb' to Yuninal Dios.

Chuj San Sebastian Bible

³⁴ Til wal tzann̈j yab'ilal tz'i'n eb', 'ix b'ox can eb' yu'uj. Til wal ewin demonio 'ix yij 'el 'a eb'. Ma'ix schaj paxtinc ewinac, yujto yojc ewinac to a Jesús sic'b'il 'el yuj Dios.

Mr 1:34 ပူးပေါင်းရင်းမြစ်များ

Mt 4:23

Ix ec' Jesús d'a yol yic Galilea chi' yed' eb' sc'ayb'um. Ix laj ec' sc'ayb'ej eb' anima d'a yoltac spatil sculto. Ix ec' yalanel jun vach' ab'ix, chajtil tz'aj yoch eb' d'a yol sc'ab' Dios aj satchaan̈. Jantacn̈ej juntzan̈ yab'il tz'ic'an eb' anima chi', ix laj b'oxican eb' yuuj.

Mt 4:24

Ix laj pucaxel yab'ixal Jesús d'a scal masanil yol yic Siria. Yuj chi' ix ic'jib'at eb' penaay smasanil d'ay, jantacn̈ej juntzan̈ yab'il yed' juntzan̈ ilya tz'ic'an eb'. An̈ejtona', ay pax eb' tz'ixtaj yuj eb' enemigo, eb' scot d'a sjolom yed' eb' sicb'inaqueli. Ix laj ic'jib'at eb' d'ay. Yuj chi' ix b'oxican eb' smasanil yuuj.

Mr 1:25

Axo Jesús ix tuman jun enemigo chi': —Tz'in xa chi. Elan̈ d'a vin̈ tic, xchi.

Mr 3:12

Palta scachji eb' yuuj, yic max yalel eb' mach.

Lc 4:41

Tzijtum eb' anima b'aj ix laj el eb' enemigo, ix laj el yav eb', ix yalan eb': —A ach tic Yuninal ach Dios, xchi eb' d'ay. Palta axo Jesús ix cachan eb' enemigo chi', maj schalaj lolon eb', yujto ojtacab'il yuj eb' to Cristo.