Lc 8:24 - Chuj San Mateo Bible

²⁴ Axo eb' sc'ayb'um chi' ix pitzanel svayan̈, ix yalan eb' d'ay: —Mamin, Mamin, van co b'at d'a yol a', xchi eb' d'ay. Yuj chi' ix q'ue vaan, ix scachan jun ic' chi' yed' a' sq'ue chulan chi'. Ix numc'aj smasanil yuuj.

Chuj San Sebastian Bible

²⁴ Yuj cha, spitzn 'el eb' swayn̈ Jesús, 'ix yaln eb' 'ixtc 'a 'a: —¡Mamin, ach qui Cuymal on̈, 'ilto! ¡Wal qui 'atc 'a yich a tic! xchi eb'. 'Ix q'ue wan Jesús, stenn 'och wan jun 'ic' chi yet' a mar. 'Ix 'och wa'an, caw sictac x'aj smasnil.

Lc 8:24 ပူးပေါင်းရင်းမြစ်များ

Salmos 65:7

A ach tzac' numc'aj sat a' mar. Ayic sq'ue somnaj juntzan̈ nivac chon̈ab', a ach tzac' pax numc'ajoc.

Is 50:2

¿Tas yuj ayic ix in javi, malaj mach ix vila'? ¿Tas yuj ayic ix ex vavtani malaj mach ix in tac'vani? ¿Tom max techaj vuj ex in colan e naani? ¿Tom max yal ex vac'anel d'a libre? Naec val to c'ocb'il junoc b'elan̈ lolonel svala', stupem a' mar, axo b'aj sb'ey a' nivac a', taquin̈ tz'ajcani, axo noc' chay, xcham noc' yuj taquin̈tial, sc'ab'at noc' yuj man̈ a'il.

Jeremías 5:22

A ex tic, malaj velc'och d'ayex. A in tic ix in b'ocanem q'uen arena d'a stitac a' mar d'a juneln̈ej. Vach'chom sq'ue vaan a' sc'an̈ yem pon̈naj a', palta max ec'laj a' d'a q'uen arena aycanem chi' vuuj. Tato icha chi' in poder tzeyila', ¿tom man̈ smojoc e xiv d'ayin?

Nahúm 1:4

A tz'alani stupem a' mar. An̈eja' tz'ac'anpax tup masanil a a'. Stacjicanb'at masanil lum luum d'a Basán yed' pax d'a vitzal Carmelo yuuj. Tz'ixtaxpaxb'at yilji te' xumaac d'a Líbano yuuj.

Mt 14:30

Axo ix yab'an vin̈, te ov ic', ix xivq'ue vin̈. Yuj chi' ijan ix b'at vin̈ d'a yich a', ix el yav vin̈. —Mamin, colin, xchi vin̈.

Mt 8:25

Yuj chi' ix pitzjiel svayan̈ yuj eb'. —Mamin, col on̈. Van co b'at d'a yich a', xchi eb' d'ay.

Mr 4:39

Yuj chi' ix q'ue vaan, ix cachji jun ic' chi' yuuj yed' a' n̈ajab' chi': —Ochan̈ vaan. Numan tzach aji, xchi. Ichato chi' b'ian, ix och vaan jun ic' chi', ix numc'aji.

Lc 4:35

Axo Jesús ix tuman jun enemigo chi', ix yalan d'ay: —Tz'in xa chi, actejcan jun vin̈ tic, xchi d'ay. Ix lajvin̈ej chi', ix syuman telvoc jun vin̈ b'aj ayoch chi', ix eli, maj lajvoclaj vin̈ yuuj.

Lc 4:39

Ix snitzanb'at sb'a Jesús chi' b'aj jichanec' ix chi', ix scachanoch vaan jun ilya chi'. Ix el jun c'ac'al yab'il chi' d'a ix. Junanto rato chi' ix q'ue vaan ix, ix c'atc'ajcot eb' yuj ix.

Lc 5:5

—Ach co C'ayb'umal, jun ac'val ix cac'lej co yaman noc' q'uiq'ui, malaj val junoc noc' ix quic'a'. Palta yujn̈ej to a ach tzala', ol b'at caq'uem co chimpa tic junelxo, xchi vin̈aj Simón chi' d'ay.

Lc 8:25

Ichato chi' b'ian, ix yalan d'a eb' sc'ayb'um chi': —¿Tas yuj max eyac'och Dios d'a e c'ool? xchi d'a eb'. Toxon̈ej ix och q'uelan eb', ix sat sc'ool eb', ix yalan eb': —¿Tas yaj jun vin̈ tic? Scachji jun ic' tic yed' a a' tic yuj vin̈, ix c'anab'ajax vin̈ yuj juntzan̈ tic, xchi eb'.