Lc 7:40 - Chuj San Mateo Bible

⁴⁰ Yuj chi' ix yalan Jesús d'a vin̈: —Ach Simón, ay jun tas ol val d'ayach, xchi d'a vin̈. —Al d'ayin ach co C'ayb'umal, xchi vin̈.

Chuj San Sebastian Bible

⁴⁰ 'Ix yaln Jesús 'ixtc 'a win fariseo cha: —Simón, 'ay jab' tzin nib'j tzwal 'ayach, xchi 'a winac. —Ach in Cuymal, ala tas tza nib'j tzal 'ayin, xchi win 'a 'a.

Lc 7:40 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 2:14

Ix yalan vin̈: —Ay val jun tas tzin nib'ej sval d'ayach, xchi vin̈ d'a ix. —Ala', xchi ix.

Ez 33:31

Icha chi' tz'aj yic'lancot sb'a eb' in chon̈ab' chi', ol javoc eb', ol em c'ojan eb' d'a ichan̈ yab'an tas ol ala'. Palta max sb'eyb'alej eb' tas tzal chi'. Ton̈ej stz'ac yal eb', axo spensar eb', an̈ej chucal ayec' d'ay.

Malaquías 1:6

A Jehová Yajal d'a Smasanil tz'alan d'a eb' sacerdote icha tic: A eb' uninab'il, ay yelc'och smam snun eb' d'a sat. A eb' checab', ay pax yelc'och spatrón eb' d'a sat. Yuj chi' ex sacerdote, tato mamab'il vaj d'ayex eyalani, ¿tas pax yuj malaj velc'och d'ayex? Tato yajal vaj d'ayex eyalani, ¿tas yuj max in e c'anab'ajej? A ex tic tzin e patiquejeli, palta tzato val eyal icha tic: ¿Tas scutej ach co paticaneli? xe chi.

Mt 26:49

Yuj chi', elan̈chamel ix c'och vin̈ d'a Jesús. Ix yalan vin̈ d'ay: —Buenas noches, ach in C'ayb'umal, xchi vin̈ d'ay. Ix lajvi chi', ix stz'ub'anelta sti' vin̈.

Mt 7:22

Ato yic ol ja jun c'ual chi', tzijtum eb' ol alan d'ayin: Mamin, Mamin calnac val el a lolonel. Yuj a poder quic'naquel juntzan̈ enemigo d'a eb' anima. An̈ejtona' yuj a poder, tzijtum milagro co ch'oxnac, xcham eb' d'ayin.

Lc 18:18

Ay jun vin̈ yajal d'a scal eb' ix c'anb'an d'a Jesús: —Ach vach' c'ayb'um, ¿tas vach' tzin c'ulej yic tzin chaan in q'uinal d'a juneln̈ej? xchi vin̈.

Lc 5:22

Palta a Jesús yojtacxo tas van snaan eb' chi', yuj chi' ix yalan d'a eb': —¿Tas yuj tze naub'tan̈ej jun tic?

Lc 5:31

Yuj chi', ix yal Jesús d'a eb' vin̈: —Q'uinaloc ay junoc vin̈ an̈tum ticnaic. A eb' vach' sc'ool, ¿tom ay tz'och vin̈ yuj eb'? An̈ej eb' penaay ay tz'och vin̈ yuuj.

Lc 6:8

Palta axo Jesús, yojtacxo tas van snaan eb' vin̈, yuj chi' ix yalan d'a vin̈ sicb'inaquel sc'ab' chi': —Q'uean̈ lin̈an d'a co cal tic, xchi d'a vin̈. Ix q'ue lin̈an vin̈ b'ian.

Lc 7:39

Axo ix yilan vin̈ fariseo chi', ix snaan vin̈: Tato yel schecab' Dios jun vin̈ tic, tzam nachajel yuj vin̈ to a jun ix ix van syaman yoc vin̈ tic, ajmul ix ix, xchi vin̈ d'a spensar.

Lc 7:41

—Ay chavan̈ eb' vin̈ vinac ay smajan tumin d'a spatrón. Ay jun vin̈, 500 denario smajan vin̈. Axo junxo vin̈ 50 denario n̈ej smajan vin̈ chi'.

Jn 13:13

A ex tic, tzin eyal e c'ayb'umoc, eyajaloc. Yel ton tzeyala'.

Jn 16:19

Axo Jesús, yojtacxo to sgana eb' sc'anb'ej d'ay tas syalelc'och jun ix yal chi', yuj chi' ix yalanxi d'a eb': —Toxo ix val d'ayex: Junxon̈ej rato ol in eyila', slajvi chi', man̈xo ol in eyil-laj. Palta ol ec' junocxo rato, ol in eyilanxi, xin chi d'ayex. ¿Tom yuj juntzan̈ sval tic tze c'anb'an eyab' d'ayex junjun ex?

Jn 16:30

A ticnaic, snachajel cuuj to ojtacn̈ej masanil tasi. Man̈ yovaliloc tzato co c'anb'ej d'ayach ayic tzalan d'ayon̈. Yuj chi' scac'och d'a co c'ool to a d'a Dios cotnac ach, xchi eb' d'ay.

Jn 3:2

Ix c'och vin̈ d'a Jesús d'ac'valil, ix yalan vin̈ d'ay icha tic: —Ach co C'ayb'umal, cojtac to a Dios checjinac ach cot on̈ a c'ayb'ej, yujto ay juntzan̈ satub'tac tza ch'oxo'. Malaj junoc mach syal sc'ulan juntzan̈ chi', tato man̈ ayoc och Dios yed'oc, xchi vin̈ d'ay.