Lc 5:34 - Chuj San Mateo Bible

³⁴ Ix yalan Jesús d'a eb' vin̈: —Q'uinaloc ay junoc nupnajel, ¿tom syal eyac'anoch eb' avtab'il d'a nupnajel chi' d'a tzec'ojc'olal yacb'an aytoec' vin̈ van yoch yetb'eyum chi' yed' eb'?

Chuj San Sebastian Bible

³⁴ Yuj cha, xyaln pax Jesús 'ixtc 'a ewinac: —Q'uinloc 'ay junc nupnel tz'och ticnec, a eb' 'awtb'il 'at ta', ¿tom tztac' ya'n 'och sb'a eb' 'a c'ajb'c'ojlal yic 'ayt 'ec' win tznupn chi yet' eb'?

Lc 5:34 ပူးပေါင်းရင်းမြစ်များ

Cantares 5:8

Ex cob'estac aj Jerusalén, aq'uec e ti': Tato tz'ilchaj vin̈ in xajanab'il eyuuj, alec d'a vin̈ to van in cham in naan vin̈, xin chi d'a eb' ix.

Cantares 6:1

Ach ix te vach' ilji d'a yichan̈ eb' ix ix vach' yilji, ¿b'ajtil ix c'och vin̈ xajanab'il chi' uuj? ¿B'ajvaltil ix b'at vin̈ yic vach' b'at co say vin̈? xchi eb' d'ayin.

Is 54:5

Yujto a in in b'onac ex, icha eyetb'eyum vaji. A in b'i Jehová Yajal d'a Smasanil. E Columal vaji, e Diosal a inxon̈ej Ochi, sDiosal in pax masanil anima.

Is 62:5

Yujto icha val junoc vin̈ quelem snupnaj yed' junoc ix cob'es, icha chi' ol in aj eyed'oc, ol in ochxoc eyed'oc, ol in tzalaj eyed'oc, icha stzalaj junoc vin̈ quelem yed' yetb'eyum, icha chi' ol in tzalaj eyed'oc.

Sofonías 3:17

A Jehová e Diosal ayec' eyed'oc. A spoder tzex colani, ste tzalaj eyed'oc. Yujto xajan ex yuuj, yuj chi' man̈xalaj tas ol yala'. A yuj stzalajc'olal chi' ol b'itanoc,

Mt 22:2

—Ol val d'ayex chajtil ol aj yoch eb' anima d'a yol sc'ab' Dios aj satchaan̈. Ay jun vin̈ rey ix yac'och sq'uin̈ jun yuninal yic snupnaji.

Mt 9:15

Yuj chi' ix yalan Jesús d'a eb': —Q'uinaloc ay junoc q'uin̈ nupnajel. A eb' avtab'il sb'at ta', ¿tom syal yoch eb' d'a tzec'ojc'olal ayic ayto ec' vin̈ van yoch yetb'eyum chi' yed' eb'? Palta ato ol ja stiempoal man̈xo ayoquec' vin̈ yed' eb', ato ta' ol och eb' d'a tzec'ojc'olal.

Lc 5:33

Ix lajvi chi', ix yalan eb' vin̈ d'a Jesús: —A eb' sc'ayb'um vin̈aj Juan, vin̈ tz'ac'an bautizar yed' eb' sc'ayb'um eb' vin̈ fariseo, tzijtum el tz'och eb' d'a tzec'ojc'olal, slesalvi eb'. Palta axo eb' a c'ayb'um tic, ¿tas yuj an̈ej vael syac' eb'? xchi eb' vin̈ d'ay.

Lc 5:35

Palta ol ja sc'ual ol ic'joc el vin̈ d'a scal eb', ichato chi' ol och eb' d'a tzec'ojc'olal, xchi d'a eb' vin̈.

Jn 3:29

Q'uinaloc ay junoc nupnajel tz'och ticnaic, a vin̈ van snupnaj chi', a vin̈ tz'ic'an ix ix chi'. A jun yamigo vin̈ snupnaj chi', ayic syab'an yavaj vin̈ snupnaj chi', ste tzalaji. Icha chi' in tzalaj ticnaic, yujto van yoch eb' anima sc'ayb'umoc Jesús.

2 Co 11:2

Tzex in ya'ilej val, icha syutej Dios ex syailani. Yujto toxo ix vac' in trato yed' Cristo to ol ex vac'och d'a yol sc'ab'. Icha junoc ix cob'es ix manta vinac tz'ec' d'ay, tz'ac'ji entregar d'a vin̈ yetb'eyum, icha chi' ol ex vutoc vac'an och d'a yol sc'ab' Cristo.