Lc 4:35 - Chuj San Mateo Bible

³⁵ Axo Jesús ix tuman jun enemigo chi', ix yalan d'ay: —Tz'in xa chi, actejcan jun vin̈ tic, xchi d'ay. Ix lajvin̈ej chi', ix syuman telvoc jun vin̈ b'aj ayoch chi', ix eli, maj lajvoclaj vin̈ yuuj.

Chuj San Sebastian Bible

³⁵ Yuj cha, 'ix tumwj 'a win demonio chi 'ixtic: —Tz'in xa chi, 'eln̈ 'a winac, xchi. Yajn̈j wal cha, xtelw can 'at t'ocnjoc win yuj jun demonio cha. 'Ixta to b'i'an, x'el jun demonio chi 'a winac. Palta may jac x'i'n can winac.

Lc 4:35 ပူးပေါင်းရင်းမြစ်များ

Salmos 50:16

Axo d'a eb' chuc sb'eyb'al, syal Dios icha tic: ¿Toc ay eyalan eyic eyalanel in c'ayb'ub'al, ma eyalanel yab'ixal in trato?

Zacarías 3:2

Ix yalan Yángel Jehová chi' d'a vin̈ Satanás chi' icha tic: A Jehová ix sic'anel chon̈ab' Jerusalén, a tzach cachani. Yujto a jun vin̈ vinac tic, lajan vin̈ icha junoc cuxc'ac' tz'ic'chajelta d'a yol c'ac', xchi.

Mt 17:18

Axo ix c'och vin̈ unin chi' d'a Jesús, ix stuman jun enemigo ayoch chi' d'a vin̈. Yuj chi' ix el jun enemigo chi' d'a vin̈. D'a jun rato chi', ix b'oxican sc'ool vin̈ yuuj.

Mt 8:26

—¿Tas yuj tzex te xivi? Te teveln̈ej tzeyac'och Dios d'a e c'ool, xchi d'a eb'. Ix lajvi chi', ix q'ue vaan. Ix scachanoch vaan jun ic' chi' yed' a' n̈ajab' chi'. Yuj chi' ix numc'aj smasanil.

Mr 1:26

Ix cot d'a sjolom vin̈ yuj jun enemigo chi'. Ix te el yav vin̈. Ichato chi' b'ian, ix el jun enemigo chi'.

Mr 4:39

Yuj chi' ix q'ue vaan, ix cachji jun ic' chi' yuuj yed' a' n̈ajab' chi': —Ochan̈ vaan. Numan tzach aji, xchi. Ichato chi' b'ian, ix och vaan jun ic' chi', ix numc'aji.

Mr 9:26

Yuj chi', ix el yav jun enemigo chi'. Te ov ix cotxi d'a sjolom jun unin chi'. Ichato chi' b'ian ix el d'ay. Axo jun unin chi', icha chamnac ix ajcan yuuj. Yuj chi', tzijtum eb' ix alani: —Ix chami, xchi eb'.

Lc 11:22

Palta tato sc'och junocxo mach ec'al yip d'a vin̈, tato tz'ac'ji ganar vin̈ yuuj, tz'ic'jiec' jantac syamc'ab' vin̈ ayoch yipoc sc'ool chi' yed' pax masanil tas ay d'a vin̈. Snaan vin̈ tas syutej juntzan̈ syiq'uec' chi'. Icha vin̈ aj pat chi', icha chi' yaj vin̈ diablo.

Lc 4:23

Yuj chi' ix yal Jesús d'a eb': —A ex ton tic ol eyal d'ayin: Ach an̈tum, munil tzan̈tej a b'a. A tas a c'ulejnac d'a chon̈ab' Capernaum, c'ulej pax d'a a chon̈ab' tic quila', xe cham d'ayin.

Lc 4:39

Ix snitzanb'at sb'a Jesús chi' b'aj jichanec' ix chi', ix scachanoch vaan jun ilya chi'. Ix el jun c'ac'al yab'il chi' d'a ix. Junanto rato chi' ix q'ue vaan ix, ix c'atc'ajcot eb' yuj ix.

Lc 4:41

Tzijtum eb' anima b'aj ix laj el eb' enemigo, ix laj el yav eb', ix yalan eb': —A ach tic Yuninal ach Dios, xchi eb' d'ay. Palta axo Jesús ix cachan eb' enemigo chi', maj schalaj lolon eb', yujto ojtacab'il yuj eb' to Cristo.

Lc 8:24

Axo eb' sc'ayb'um chi' ix pitzanel svayan̈, ix yalan eb' d'ay: —Mamin, Mamin, van co b'at d'a yol a', xchi eb' d'ay. Yuj chi' ix q'ue vaan, ix scachan jun ic' chi' yed' a' sq'ue chulan chi'. Ix numc'aj smasanil yuuj.

Lc 9:39

Ay b'aj tz'och jun enemigo d'ay, tz'el yav, scot numnaj d'a sjolom, svoman sti'. Tz'ixtaj vin̈ yuuj, max el-laj jab'oc d'ay.

Lc 9:42

Ayic vanxo slac'anb'ic'och jun unin chi' d'a Jesús, axo jun enemigo chi' ix yumanxi telvoc, ix cot numnaj d'a sjolom. Ix stuman jun enemigo chi' Jesús, ix b'oxi sc'ol vin̈ unin chi' yuuj, ix yac'anxi d'a vin̈ smam chi'.

Apoc 12:12

Yuj chi', ayocab' tzalajc'olal d'a satchaan̈ yed' masanil eb' ayec' ta'. Palta te chuc eyic a ex ayex ec' d'a sat luum yed' ex tzex b'eyec' d'a sat a' mar. Yujto ix emc'och vin̈ diablo b'aj ayex ec' chi'. Te yoval vin̈, yujto yojtac vin̈ to quenxon̈ej tiempo ayec' vin̈.