Lc 23:38 - Chuj San Mateo Bible

³⁸ Ay jun letra ix tz'ib'ajoch d'a sjolom te' sculusal, xchi icha tic: A vin̈ tic Sreyal eb' israel, xchi.

Chuj San Sebastian Bible

³⁸ 'Ay jun tz'on̈ paxti xtz'ib'x 'och 'a 'aj 'ay q'ue'ch sjolom, [a jun tzo'n̈ paxti cha, tz'ib'b'il 'a sti griego, 'a latín yet' 'a hebreo. Tzyal 'ixtic: A win tic, sreyl eb' israel, xchi.]

Lc 23:38 ပူးပေါင်းရင်းမြစ်များ

Mt 2:2

Ix sc'anb'anec' eb' vin̈: —¿B'aj ay jun unin toto ix alji, jun ol och e reyaloc a ex israel ex tic? A b'aj sja c'u, ata' ix quil sq'ueul jun q'uen c'anal. A q'uen sch'oxani to ix alji. Yuj chi' on̈ coti, yic scaq'uem co b'a d'ay, xchi eb' vin̈.

Mt 27:11

Ayic ix c'och Jesús d'a yichan̈ vin̈aj Pilato, vin̈ gobernador, ix sc'anb'an vin̈ d'ay: —¿Tom a ach tic, Sreyal ach eb' israel? xchi vin̈ d'ay. —Yel ton tzala', xchi.

Mt 27:37

Axo d'a sjolom sculusal chi' ix och jun letra. A tz'alani tas yuj ix ac'jioch chamel d'a yib'an̈. Aton Jesús tic, Sreyal eb' israel, xchi jun letra chi'.

Mr 15:18

Ix lajvi chi' ix och ijan eb' vin̈ yalan d'ay: —Tzalajan̈ ach sreyal eb' israel, xchi eb' vin̈ d'ay.

Mr 15:26

Ay jun letra ix tz'ib'chajochi. A tz'alani tas yuj ix ac'jioch chamel d'a yib'an̈. A sReyal eb' aj Israel, xchi.

Mr 15:32

A Cristo tic, co reyal a on̈ israel on̈ tic. A ticnaic, emocab'cot d'a te' culus tic quila'. Ichato chi' ol cac'anoch d'a co c'ool, xchi eb'. Axo eb' vin̈ ix culusajq'ue yed' chi', ix b'uchvajpax eb' vin̈ d'ay.

Lc 23:3

Yuj chi' ix sc'anb'ej vin̈aj Pilato chi' d'ay: —Tzin c'anb'ej d'ayach, ¿tom sreyal ach eb' israel? xchi vin̈ d'ay. —A in toni, ichaton tzutej alan chi', xchi Jesús d'a vin̈.

Jn 19:3

Ix laj c'och eb' vin̈ d'a stz'ey, ix stz'acan yal eb' vin̈ d'ay: —Tzalajan̈ ach sreyal eb' israel, xchi eb' vin̈ d'ay. Ix tz'itjib'at sat yuj eb' vin̈.