Lc 23:16 - Chuj San Mateo Bible

^16-17 Yuj chi', ton̈ej ol in chec mac'joc vin̈, ol vac'anxiel vin̈ d'a libre, xchi vin̈ d'a eb'.

Chuj San Sebastian Bible

¹⁶ Yuj cha, ton̈j 'oj wac' ma'xoc winac, ax yel win 'a libre, xchi win 'a eb'.

Lc 23:16 ပူးပေါင်းရင်းမြစ်များ

Is 53:5

Ol tecjoquec' q'uen d'a snivanil yuj co pitalil, ol yab'an val syail yuj co chucal. Yuj syaelal ol yab' chi', ol ochxi junc'olal d'a co cal yed' Dios. Yuj yechnaj chi', ol yac'xi co q'uinal.

Mt 27:26

Ayic ix yab'an jun chi' vin̈, ix ac'jielta vin̈aj Barrabás chi' d'a libre. Axo Jesús ix schec mac'joc vin̈. Ix ac'jioch d'a yol sc'ab' eb' sculusanq'uei.

Mr 15:15

Axo vin̈aj Pilato chi', sgana vin̈ to vach' scan d'a yichan̈ eb' anima, yuj chi' ix ac'jielta vin̈aj Barrabás chi'. Ix lajvi chi' ix ac'ji mac'joc Jesús yuj vin̈. Ichato chi' ix yac'anoch Jesús chi' vin̈ d'a yol sc'ab' eb' sgana sculusanq'uei.

Lc 23:22

Ix yalanxi vin̈aj Pilato chi' yoxelal d'a eb': —¿Tas val smul vin̈ d'ayex jun? Malaj val jab'oc smul vin̈ tz'ilchaj vuuj yic smoj schami. Yuj chi' ton̈ej ol in chec mac'joc vin̈, ol vac'anxiel vin̈ d'a libre, xchi vin̈ d'a eb'.

Lc 6:37

Man̈ e ch'olb'itej tas yaj junocxo mach, yuj chi' man̈ ol ex sch'olb'itejpax Dios. Man̈ eyac'b'at d'a yib'an̈ junocxo mach, yic vach' a Dios man̈ ol ac'anb'at d'a eyib'an̈. Tzeyac' nivanc'olal, tato icha chi', axo Dios ol ac'an lajvoc e mul.

A Tas Sc'ulejnac Eb' Schecab' Jesús Hechos 16:37

Palta ix yalan vin̈aj Pablo chi' d'a eb' vin̈ polencía chi': —A on̈ tic, aj Roma on̈. Maj sc'anb'ej yab' eb' vin̈ tato ay co mul. Palta ina ix on̈ smac' eb' vin̈ d'a yichan̈ eb' chon̈ab'. Axo ticnaic, ¿tom sgana eb' vin̈ d'a elc'altac tzon̈ yaq'uel d'a libre? Man̈ ol on̈ el-laj. Cotocab' eb' vin̈ juez chi'. A val lac'an eb' vin̈ ol on̈ ic'aneloc, xchi vin̈.