Lc 19:39 - Chuj San Mateo Bible

³⁹ Ay juntzan̈ eb' vin̈ fariseo ayec' d'a scal eb' anima chi' ix alan d'a Jesús chi': —Ach C'ayb'um, ¿tas yuj max a cach eb' a c'ayb'um tic? xchi eb' vin̈.

Chuj San Sebastian Bible

³⁹ Palta 'ay jun tzo'n̈ ewin fariseo 'a scal eb' 'anma cha, 'ix yaln ewin 'ixtc 'a Jesús: —Mamin, ¿tas yuj matz a tench wan eb' a cuywum tic? xchi ewin 'a 'a.

Lc 19:39 ပူးပေါင်းရင်းမြစ်များ

Is 26:11

Mamin Jehová, vach'xo yaj syaelal eb' uuj, palta max nachajel yuj eb'. Yilocab' eb' yic tza xajanan a chon̈ab', q'uixvocab'el eb'. Satocab'el eb' yuj yoval a c'ool vach'xo yaj d'a eb' ajc'ol yajoch d'ayach.

Mt 2:7

Axo vin̈aj Herodes chi' ix checan avtajcot eb' vin̈ mago chi'. Elc'altac ix sc'anb'ej vin̈ yab' d'a eb' vin̈, b'ac'n̈itax ix sch'ox sb'a jun c'anal chi' d'a eb' vin̈.

Mt 23:13

A exxo tic ex c'ayb'um d'a ley Moisés yed' ex fariseo, te chuc eyico'. Chab' sat ex. Tze macoch vaan eb' anima, yic max och eb' d'a yol sc'ab' Dios aj satchaan̈. Max ex och a ex tic. Max e chapaxoch eb' sgana yochi.

Jn 12:10

Yuj vin̈aj Lázaro chi', tzijtum eb' ix ac'anoch Jesús d'a sc'ool. Maxtzac yac'och spensar eb' d'a eb' vin̈ sacerdote. Yuj chi' ix slajtiej sb'a eb' vin̈ sat sacerdote chi' tas syutej eb' vin̈ smilanpaxcham vin̈aj Lázaro chi'.

Jn 12:19

Ix laj yalan eb' vin̈ fariseo icha tic: —Man̈xa tas vach' cutanec ticnaic. Ilecnab' eb' anima, ix laj och eb' masanil yed' vin̈, xchi eb' vin̈.

Santiago 4:5

¿Tom tze na'a to malaj yelc'och Slolonel Dios Tz'ib'ab'ilcani? Aton jun tz'alan icha tic: A Dios ix yac'och cajan Yespíritu d'ayon̈. Axo Yespíritu chi', snib'ej to an̈ej ayon̈ yic d'a juneln̈ej, xchi.