Lc 14:16 - Chuj San Mateo Bible

¹⁶ Yuj chi' ix yal jun ab'ix tic Jesús: —A junel, ay jun vin̈ ix b'oan jun nivan vael. Tzijtum eb' anima ix yavtej vin̈.

Chuj San Sebastian Bible

¹⁶ Yuj cha, xyaln Jesús junx 'ab'x 'ixtic: —A 'a jun 'el, 'ay jun winc 'ix 'a'n 'och jun niwn wa'el, til wal 'anma xcob' yac' win 'awtxoc cot wa'oc.

Lc 14:16 ပူးပေါင်းရင်းမြစ်များ

Cantares 5:1

Van voch d'a scal vavb'en ach vetb'eyum xajanab'il vuuj. Van vic'anq'ue in mirra yed' in perfume, van vab'lan schab'il noc' acan̈, van vuc'an in vino yed' in lech, xchi vin̈. Ex amigo vaan̈ec, uq'uec a', uq'uec jantac tze nib'ej, xchi eb'.

Zacarías 10:7

Tec'an ol aj eb' aj Israel icha soldado. Ol tzalaj sc'ol eb' icha eb' tz'uc'an vino. Ayic ol yilan jun tic eb' yuninal eb', ol tzalajpax sc'ol eb'. Ol te tzalaj val sc'ol eb' yuj in colval.

Apoc 22:17

A Yespíritu Dios yed' eb' ol och yetb'eyumoc jun Calnel sb'i, syal eb': Cotan̈, xchi eb'. A eb' tz'ab'an tas syal jun Uum tic, yalocab'pax eb': Cotan̈, xchiocab' eb'. A eb' stacji sti', tato sgana eb', cotocab' eb'. Yuc'ocab' jun a a' eb', aton a' tz'ac'an q'uinal d'a juneln̈ej. Aton jun a' nab'an̈ej tz'ac'ji.

Apoc 3:20

Ab'ec val, ichato van vavajoch d'a ti' pat. Tato ay mach tz'ab'an in jaj, sjacan te' d'ayin, ol in och yed'oc. Ol in va yed'oc, ol va pax ved'oc.