Lc 1:18 - Chuj San Mateo Bible

¹⁸ Ix sc'anb'an vin̈aj Zacarías chi' d'a jun ángel chi': —¿Tas ol vutoc vojtacaneli tato yel juntzan̈ tzal tic? A in tic icham vinac inxo, chichimxo pax ix vetb'eyum, xchi vin̈.

Chuj San Sebastian Bible

¹⁸ 'Ix yaln win Zacarías chi 'ixtc 'a 'a: —¿Tas wal 'oj wutc wojcan 'eli, toto yel jun tzo'n̈ tzal tic? Yujto an tic caw 'ichm in xo, an̈jtona', chichm xo pax 'ix wistzil, xchi winac.

Lc 1:18 ပူးပေါင်းရင်းမြစ်များ

Gn 15:8

—Palta ach Jehová Vajalil, ¿tas val tz'aj vojtacaneli tato sviquejcan jun luum tic? xchi vin̈aj Abram chi'.

Gn 17:17

Ayic ix yab'an jun chi' vin̈aj Abraham chi', ix em n̈ojan vin̈ d'a sat luum, ix och ijan vin̈ stzevaji, ix och ijan vin̈ snaub'tan̈ani: ¿Tom olto aljoc vuninal? cien ab'ilxo in q'uinal, 90 ab'ilxo sq'uinal ix Sara, ¿tom olto val aljoc yune' ix? xchi vin̈.

Gn 18:12

yuj chi' ton̈ej ix tzevaj ix d'a yol sc'ool. Ayic ix yab'an ix yalji jun chi', ix snaan ix icha tic: ¿Tasto val ol aj in nib'anoch jun tic, ina te chichim inxo, te ichamxo pax vin̈ vetb'eyum? xchi ix.

A Ch'an̈ Schab'il Libro Yic Yab'ixal Eb' Rey 7:2

Ix tac'vi jun vin̈ stan̈van vin̈ rey chi' icha tic: —Vach'chom sjacvi sventenail satchaan̈ yuj Jehová, palta max ujilaj icha tzal chi', xchi vin̈. Ix tac'vi vin̈aj Eliseo chi': —Olto il val jun chi', palta man̈xo ol a valaj ixim, xchi vin̈.

Is 38:22

Ix lajvi chi', ix sc'anb'an vin̈aj Ezequías chi' d'ayin icha tic: —¿Tas junoc yechel ol vila' yic ol nachajel vuj to a Jehová ol ac'an b'oxoc in c'ool, yic syal in b'at d'a stemplo? xchi vin̈.

Lc 1:34

—¿Tas ol aj yelc'och jun tzal chi', yujto a in tic mantalaj vin̈ vetb'eyum? xchi ix d'ay.

Lc 1:7

Malaj junoc yune' eb', yujto max unevilaj ix. Ichamtac animaxo eb' schavan̈il.

Ro 4:19

A vin̈aj Abraham chi', cien ab'ilxo sq'uinal vin̈. Yojtac vin̈ to icham vinacxo vin̈. Yojtac pax vin̈ to chichim ixxo ix Sara. Ichato man̈xa b'aq'uin̈ ol yil sat junoc unin eb'. Palta an̈eja' yac'nacoch vin̈ d'a sc'ool, tas yalcan Dios chi' d'a vin̈.