Jueces 8:23 - Chuj San Mateo Bible

²³ Ix tac'vi vin̈ d'a eb' icha tic: —Man̈ ol in ochlaj eyajaliloc, man̈ ol ochpaxlaj eb' vuninal, palta a Jehová Cajal yaji.

Chuj San Sebastian Bible

²³ 'Ix ta'w Gedeón 'a eb' 'ixtic: —Man̈oc in 'oj wac' yajlil 'a eyib'an̈, man̈oc pax eb' wunnal b'aq'uin̈, palta a Jehová 'oj yac' yajlil 'a quib'n̈ec.

Jueces 8:23 ပူးပေါင်းရင်းမြစ်များ

Is 33:22

A sch'an̈al juntzan̈ barco chi', man̈ ol toc'joc tzatzb'oc d'a yoyal, man̈xa b'aj ol yac' yip sch'an̈al sc'apaquil. Ol pojchajec' tastac ay d'a eb' ajc'ol chi', ipan eb' tz'em sb'ey ol ic'an jab'oc yico', yujto a Jehová ol on̈ colanoc. A' ol b'oanel tas caji, co Reyal pax yaji.

A Ch'an̈ B'ab'el Libro Samuel 12:12

Ayic ix eyilani to scot vin̈aj Nahas sreyal eb' amonita yac' oval qued'oc, ix e c'anan junoc e reyal d'ayin, yic tz'och yajalil d'a co cal, vach'chom a Jehová co Diosal co reyal yaji.

A Ch'an̈ B'ab'el Libro Samuel 10:19

Palta axo ticnaic tze patiquejel co Diosal ix on̈ ic'anelta b'aj ix on̈ ec' d'a syaelal yed' d'a cusc'olal chi'. Ix e patiquejcaneli, ix ex och ijan e c'anan junoc co reyal yuj yac'an yajalil d'a quib'an̈. Yuj chi' jun, tzex och d'a yichan̈ Jehová, d'a junjun in̈tilal yed' d'a junjun macan̈il tz'aj eyochi.

2 Co 1:24

Malaj co gana tzex cac' pural, scalan d'ayex tas tzeyutej eyac'anoch Dios d'a e c'ool. Yujto tec'anxo tzeyutej eyac'anoch d'a e c'ool. Palta co gana tzon̈ colvaj d'ayex, yic sco vach' aq'uej e na'a, yic vach' ol ja e tzalajc'olal ta'.

A Sb'ab'el Carta San Pedro 5:3

Max yal yajal tzeyutej e b'a d'a eb' ay d'a yol e c'ab'. Palta a e vach' b'eyb'al tze ch'ox yil eb', yic a tas tze b'eyb'alej chi' ol sb'eyb'alej eb'.

Jueces 10:18

A eb' yajal d'a scal masanil eb' israel cajan d'a Galaad chi' ix alani: A junoc mach tzon̈ cuchb'an d'a oval d'a eb' amonita, a' ol ochcan cajaliloc d'a Galaad tic, xchi eb'.

Jueces 2:18

Juntaquel tz'el yav eb' yuj yab'an syail yuj eb' yajc'ool chi', axo Jehová tz'oc' sc'ol d'a eb', syac'anoch juntzan̈ eb' scolvaj yed' eb'. Ayic pitzanto eb' scolumal eb' chi', ayoch Jehová yed' eb', scoljiel eb' d'a yol sc'ab' eb' yajc'ool chi'.

Is 63:19

Ichato malaj b'aj tzac' yajalil d'ayon̈, ichato malaj b'aj sb'inaji to ic on̈. Ichn̈ejta' caji.

Jueces 8:22

Ix lajvi chi', ix yalan eb' yetisraelal vin̈ chi' d'ay: —A ach ix on̈ a colel d'a yol sc'ab' eb' madianita, yuj chi' a ach yed' eb' in̈tilal ol ex ochcan cajaliloc, xchi eb'.

Salmos 10:16

Ach Jehová, Yajal ach d'a masanil tiempo. A eb' ch'oc chon̈ab'il, ol iq'uel eb' d'a sat lum a luum.

Salmos 149:2

Ex vetisraelal, con̈ tzalajec yed' co Diosal chaannaquel yich co nación tic. Con̈ tzalajec yed' co Reyal a on̈ aj chon̈ab' Sion on̈ tic.