Jueces 7:25 - Chuj San Mateo Bible

²⁵ Ix yamchaj chavan̈ eb' vin̈ sat yajal yaj d'a eb' madianita chi' yuj eb', jun vin̈ scuch Oreb, junxo vin̈ scuchan Zeeb. A vin̈aj Oreb chi', ix miljicham vin̈ b'aj ay jun q'uen tenam, aton q'uen ix scuchcan Oreb. Axo vin̈aj Zeeb chi', ix cham vin̈ b'aj ay jun tec'lab'el yal uva, yuj chi' Zeeb ix sb'iejcan jun chi'. Ix b'atn̈ej eb' yin̈tilal Efraín chi' d'a spatic eb' madianita chi', ix yic'ancot sjolom vin̈aj Oreb chi' eb' yed' yic vin̈aj Zeeb chi' d'a vin̈aj Gedeón chi' d'a sti' a' Jordán chi'.

Chuj San Sebastian Bible

²⁵ 'Ix yamchj chawn̈ eb' syajlil eb' madianita chi yuj eb', atn win Oreb yet' win Zeeb. 'Ix smiln can eb' win Oreb 'a 'aj 'ay jun q'uen niwquil q'ue'en, xya'n can eb' scuch jun q'uen chi Oreb. Ax win Zeeb, ata smilcn eb' win 'a 'aj 'ay jun te'lab' uva, xya'n can eb' scuch jun lugar chi Zeeb. Xlajw cha, 'ix 'at eb' 'a spatc eb' madianita cha, xyi'n 'at eb' sjolm win Oreb yet' yic win Zeeb. 'Ix 'at ya'nc eb' chab' jolm chi 'a Gedeón yic 'ayc' 'a sc'axpil 'ec' sti a Jordán cha.

Jueces 7:25 ပူးပေါင်းရင်းမြစ်များ

Salmos 83:10

eb' chamnac d'a Endor, icha chi' tzutej eb'. A eb' chi' ochnaccan snivanil eb' yabonoaloc an̈ an̈c'ultac.

Is 10:26

A in Jehová Yajal in d'a Smasanil, ol vac'och yaelal d'a yib'an̈ eb', icha ajnac in satanel chon̈ab' Madián d'a slac'anil q'uen tenam yic Oreb, icha ajnac in ch'oxan in poder ayic in pojannac snan̈al a' Chacchac Mar d'a Egipto.

Is 9:4

Yujto a ach ix a satel jun nación, aton jun ic'annac on̈ b'at d'a ch'oc nacional, aton b'aj ix ac'jioch co yaelal. Ix a satel jun nación chi' icha utej a satannaquel chon̈ab' Madián d'a peca'.

Habacuc 3:7

yuj chi' svil yochcan eb' anima cajan d'a chon̈ab' Cusán d'a ilc'olal. Svilpax yochcan eb' cajan d'a chon̈ab' Madián d'a xivc'olal.

Josué 7:26

Ix lajvi chi', ix q'uecan juyan̈ q'uen q'ueen d'a yib'an̈ eb', ix cann̈ej jun juyan̈ q'uen q'ueen chi' ta', yuj chi' Acor ix sb'iejcan jun ac'lic chi'. Icha chi' ix aj yoch vaan yoval sc'ol Jehová d'a yib'an̈ chon̈ab' Israel.