Jueces 4:19 - Chuj San Mateo Bible

¹⁹ Ix lajvi chi', ix sc'anan a' vin̈ yuc' d'a ix, yujto van stacji sti' vin̈. Elan̈chamel ix yiq'uel smacul jun tz'uum ix b'aj sic'an lech, ix yac'an ix yuq'uej vin̈. Ix musajxi vin̈ yuj ix.

Chuj San Sebastian Bible

¹⁹ Xyaln win 'ixtc 'a 'ix: —Tzin tew wal 'ayach, 'ac' wal wuc' jac a'al, yujto caw 'ay in tacn̈ti'al, xchi winac. Yuj cha, sjacn 'ix jun no tz'um 'aj molb'il lech yu'uj, xya'n 'ix yuc' winac, xlajw cha, slan̈n can pax 'ix winac.

Jueces 4:19 ပူးပေါင်းရင်းမြစ်များ

Jn 4:7

Axo eb' sc'ayb'um, ix b'at eb' sman yic schimc'ualil d'a jun chon̈ab' ay d'a slac'anil a' chi'. Ayic toxo ix b'at eb', ix c'och jun ix ti'avum aj Samaria. Ix yalan Jesús d'a ix: —Ac' jab'oc a' tic vuq'uej, xchi d'a ix.

Is 41:17

A eb' anima meb'a' malaj tas ay d'ay, say a a' eb', max chaxlaj a' yuj eb'. Van scham eb' yuj taquin̈tial. Palta a inxo Jehová in tic, ol in colvaj d'a eb', man̈ ol vactejcan eb' a in e Diosal in a ex israel ex tic.

A Ch'an̈ B'ab'el Libro Yic Yab'ixal Eb' Rey 17:10

Ix el vin̈aj Elías chi', ix b'atcan vin̈ d'a Sarepta chi'. Ayic ix c'och vin̈ d'a sti' chon̈ab', ix yilanb'at jun ix ix vin̈, chamnacxo yetb'eyum ix, van smolan chab' te' b'olob' ix. Ix yavtancot ix vin̈, ix yalan vin̈ icha tic: —Mamax el d'a a c'ool, b'at ic' junoc vaso a' vuq'uej, xchi vin̈.

Gn 24:43

tzin tevi d'ayach, yacb'an ayinec' d'a sti' a' uc'b'ila' tic, axo ol ajoc, to a ix cob'es ol ja ic'oj a', ol valan d'a ix: Tzin tevi d'ayach to tzac' vuc' jab'oc a'al d'a yol a ch'ub' chi', xin cham d'a ix.

Jueces 4:18

Ix elta ix scha vin̈, ix yalan ix d'a vin̈ icha tic: —Ochan̈ mamin, man̈ ach xivoc, xchi ix. Ix och vin̈aj Sísara chi' d'a yol smantiado ix chi', ix yic'anelta jun sábana ix, ix slich'anb'at ix d'a yib'an̈ vin̈ yic sc'ub'anel vin̈ ix.

Jueces 4:20

Ix yalan vin̈ d'a ix icha tic: —Canan̈ d'a sti' mantiado tic. Tato ay mach sjavi sc'anb'ej yab' d'ayach: ¿Malaj junoc mach ix javi scol sb'a d'ayach? ta xchi, tzalani to malaj mach, xchi vin̈ d'a ix.

Jueces 5:24

Te vach' yic ix Jael yetb'eyum vin̈aj Heber ceneo d'a yichan̈ masanil eb' ix ix. Vach' yic ix d'a yichan̈ masanil eb' ix ix cajan d'a yoltac mantiado.