Jueces 17:2 - Chuj San Mateo Bible

² A jun vin̈ chi', ix yal vin̈ d'a ix snun icha tic: —Ayic ix elc'ajel q'uen mil cien siclo plata d'ayach, ix a catab'ej jun elc'um chi'. Ix vab' alan juntzan̈ chi'. Palta a d'ayin ayec' q'ueen, a in ix velq'uej q'uen d'ayach, xchi vin̈ d'a ix snun chi'. Ix yalan ix snun vin̈ chi' d'ay: —Yac'ocab' svach'c'olal Jehová d'a ib'an̈ ach vune', xchi ix.

Chuj San Sebastian Bible

^2-3 A jun cha, 'ix yal 'a snun 'ixtic: —A yic 'ix 'elc'x q'uen a tumn nunin, q'uen 1,100 tumn plata, ata 'ix al catb' paxti 'a yib'n̈ jun 'elc'm cha, palta ticni a 'ayn 'ayc' q'ue'en, an 'ix wel'j q'uen 'ayach, xchi. Yuj cha, 'ix yaln snun chi 'ixtc 'a 'a: —A cab' Jehová tzyac' yaxilal 'a eb'n̈ ach wune', xchi 'ix. A yic 'ix ya'n win meltzjoc q'uen tumn chi 'a snun cha, 'ix yaln pax snun chi 'ixtic: —Ach wune', a ticnec a jun tumn cha, tzwac' q'uen 'a Jehová yic tzb'o junc yechl to tzeyb'il, yet' junc tzb'o 'a yol molde, ax ticnec, an xo tzwac' meltzjoc q'uen 'ayach, xchi 'ix.

Jueces 17:2 ပူးပေါင်းရင်းမြစ်များ

Gn 14:19

Ix yalan vach' lolonel vin̈ d'a yib'an̈ vin̈ icha tic: Yac'ocab' svach'c'olal Dios d'a ib'an̈, aton Dios Axon̈ej Nivan Yelc'ochi, aton ix b'oan satchaan̈ yed' sat luum.

Nehemías 13:25

Yuj chi' ix in tumej eb', ix in catab'an eb'. Ay eb' ix in mac'a', ix in tzuquel xil sjolom eb', ix vac'an pural eb' yac'an sti' d'a Dios to man̈xo ol yic'laj sb'a yal yuninal eb' yed' eb' ch'oc chon̈ab'il chi', man̈xo ol ochlaj eb' ix ch'oc chon̈ab'il chi' yetb'eyumoc eb'. Ix valanpaxi:

Salmos 10:3

A eb' sc'ulan chucal, syic'chaan̈ sb'a eb' yed' tas snib'ejochi. Syal vach' lolonel eb' d'a eb' snib'anoch smasanil tastac, axo d'ayach Mamin, ton̈ej sb'uchvaj eb'.

Ex 20:7

Man̈ comonoc tze loc in b'i a in Jehová e Diosal in tic, ma tzeyac' b'inaj in b'i d'a junoc tas d'a ichn̈ej ta', yujto ol vac' yaelal d'a mach icha chi' sc'ulej.

Pr 28:24

A eb' tz'elc'an tastac d'a smam snun, syalan eb' to malaj smul eb' tz'ochi, yamigo sb'a eb' yed' eb' axon̈ej ixtoj anima sc'ulej.

Jeremías 48:10

(Catab'ajocab' mach max c'ulan d'a smasanil sc'ol tas snib'ej Jehová. Catab'ajocab' mach max yac'lab'ej yespada smilvaji.)

Mt 26:74

Yuj chi', ix sc'anancot yoval sc'ool Dios vin̈ d'a yib'an̈. Ix slocan sb'i Dios vin̈: —A jun vin̈ tic, man̈ vojtacoclaj vin̈, xchi vin̈ d'a eb'. Van to yalan jun chi' vin̈, ix oc' noc' caxlan̈.

Ro 9:3

Q'uinaloc tato syala' tzin c'ancot yoval sc'ool Cristo d'a vib'an̈ ticnaic, yic tzin el d'a yol sc'ab' axo eb' vetchon̈ab' chi' scolchajcaneli. Tato icha chi', ay in gana vac'an in b'a yuj eb'.

1 Co 16:22

Tato ay junoc mach max xajanan Cajal Jesucristo, cotocab' yoval sc'ool Dios d'a yib'an̈. Ach Cajal, cotan̈ d'a elan̈chamel.

Dt 27:16

Catab'il mach malaj yelc'och smam snun d'a yol sat, xcham eb'. Axo masanil eb' chon̈ab' chi' tz'alani: Ujocab'i, xcham eb'.

2 Jn 1:11

Tato vach' tzeyab'i ayic sc'och eb' chi' d'ayex, locan ex yed' eb' d'a jun yic chuc chi' syal chi'.

Jueces 17:1

A d'a tzalquixtac d'a yol yic eb' yin̈tilal Efraín, ata' ec'nac cajan jun vin̈ scuchan Micaía.

Jueces 17:3

Ayic ix yac'anxi q'uen vin̈ d'a ix snun chi', ix yalan ix: —Ach vune', a ticnaic a q'uen tumin tic, svac' q'uen d'a Jehová, yic sb'oji junoc comon dios tzeyb'il yed' junoc sb'oji d'a yol molde, yuj chi' a in svac'xi q'uen d'ayach, xchi ix.

Jueces 5:23

Ix yalan Yángel Jehová: Cotocab' yoval sc'ol Jehová d'a yib'an̈ chon̈ab' Meroz yed' d'a yib'an̈ eb' cajan ta'. Cotocab'can d'a yib'an̈ eb' yujto maj colvaj eb' yed' Jehová, maj colvaj eb' yac'an oval yed' eb' soldado te tec'an, xchi.

Rt 3:10

—Yac'ocab' svach'c'olal Jehová d'ayach. A ticnaic, ix nachajel vuuj chajtil to vach' a pensar, yujto tza nib'ej sb'inajcan vin̈ etb'eyum chamnac. Q'uinaloc ta man̈ ichocta, syal ic'an a b'a yed' junocxo vin̈ to quelemto, vach'chom meb'a', ma b'eyum, an̈ej tato syal a c'ool, palta maj a c'ulej icha chi'.

A Ch'an̈ B'ab'el Libro Samuel 14:24

A d'a jun c'u chi', ix te el yip eb' israel chi', yujto malaj junoc eb' ix va yuj tas ix yal vin̈aj Saúl icha tic: Catab'ajocab' mach sva d'a jun q'uic'b'alil tic, ayic mantzac viq'uel yoval in c'ol d'a eb' ajc'ol tic, xchi vin̈.

A Ch'an̈ B'ab'el Libro Samuel 14:28

Ix yalan jun vin̈ soldado d'a vin̈: —A vin̈ a mam ix yal vin̈ d'ayon̈ icha tic: Tato ay junoc mach ay jab'oc tas syab'lej, catab'ajocab'cani, yuj chi' lajanxon̈ej yel quip co masanil, xchi jun vin̈ soldado chi'.

A Ch'an̈ B'ab'el Libro Samuel 15:13

Yuj chi' ix b'at vin̈aj Samuel chi' ta'. Axo ix c'och vin̈, ix yalan vin̈aj Saúl chi' d'a vin̈ icha tic: —Yac'ocab' svach'c'olal Jehová d'a ib'an̈. Toxo ix in c'anab'ajej tas ix yala', xchi vin̈.

A Ch'an̈ B'ab'el Libro Samuel 23:21

Ix yalan vin̈aj Saúl chi' d'a eb': —Yac'ocab' svach'c'olal Jehová d'a eyib'an̈, yujto tz'oc' e c'ool d'ayin.

A Ch'an̈ B'ab'el Libro Samuel 26:19

Tzin tevi d'ayach to tza cha ab' tas ol vala': Tato a Jehová ix ach ac'anoch ajc'olal d'ayin, comonoc val tz'el d'a sc'ool schaan junoc silab' yic tzin yac'an nivanc'olal. Palta tato anima ay yic jun tic jun, aocab' Jehová scatab'ani. Yujto ix in spechel eb' d'a in macb'en d'a jun lum luum to yic Jehová yaji, icha val to tzin spechcanb'at eb' yic svac'an servil juntzan̈ comon dios.