Jueces 16:9 - Chuj San Mateo Bible

⁹ Ay juntzan̈ eb' vin̈ toxo ix sc'ub'ejel sb'a d'a yol spat ix chi', yuj chi' te chaan̈ ix el yav ix: —Sansón, sjavi eb' vin̈ filisteo ach smilchamoc, xchi ix. D'a val jun rato chi', ix sd'in̈chitanb'at juntzan̈ ch'an̈ ch'an̈ chi' vin̈. Icha sc'unal sd'in̈chaj junoc an̈ ch'al tz'aeltac, icha chi' ix yutej ch'an̈ vin̈. Axo eb' filisteo chi' maj nachajel-laj yuj eb' b'ajtil scot yip vin̈ chi'.

Chuj San Sebastian Bible

⁹ 'Ay jun tzo'n̈ winc tox sc'ub'j 'el sb'a 'a yol yatut 'ix, caw 'ip x'el yaw 'ix, xyaln 'ix 'ixtic: —¡Sansón, tic tzjaw eb' filisteo ach wul smil chamoc! xchi 'ix. Yajn̈ cha, 'ix sn̈i'chtan 'at jun tzo'n̈ ch'an̈ cha, 'icha sc'unal sn̈i'chj 'at junc ch'al to tz'anc xo. Ax eb' filisteo ma'ix nachj xon 'el yuj eb' 'aj tzcot yip.

Jueces 16:9 ပူးပေါင်းရင်းမြစ်များ

Salmos 58:9

Icha te' taquin̈ q'uiix, smolchajoch spayuloc lum chen, stup sc'ac'al te' ayic manto xejq'ue lum chen chi', ichocab' ta' tzutej ic'ancanel eb' chuc sb'eyb'al chi', ayic pitzanto eb'.

Jueces 15:14

Axo ix c'och eb' vin̈ d'a Lehi chi', ix cot eb' vin̈ filisteo scha eb' vin̈, toxon̈ej tz'avaj eb' vin̈ yuj tzalajc'olal. Elan̈chamel ix ochxi Yespíritu Jehová d'a vin̈aj Sansón chi', ix te och yip vin̈, ix sd'in̈chitanb'at chab' lasu chi' vin̈, icha tz'aj sn̈ic'chajb'at junoc c'apac c'apac tz'anac, ix em lan̈naj ch'an̈ d'a sc'ab' vin̈.

Jueces 16:10

Ix yalanxi ix d'a vin̈: —Te chuc ach, ix a musej val in sat. Ix esej d'ayin. A ticnaic tzin tevi d'ayach to tzal d'ayin tas val tz'aj a tzec'chaji, xchi ix.

Jueces 16:7

Ix tac'vi vin̈ d'a ix icha tic: —Tato tzin tzec'chaj d'a uqueoc ch'an̈ ch'an̈ manto juneloc sc'anchaji, tz'el vip tic, icha yip junoc comon anima tzin ajcani, xchi vin̈ d'a ix.

Jueces 16:8

Yuj chi', a eb' yajalil eb' filisteo chi' ix ic'anb'at uque' ch'an̈ ch'an̈ chi' d'a ix Dalila chi', ix stzec'an vin̈aj Sansón chi' ix.